នាយករដ្ឋមន្ត្រី អង់គ្លេស ថា ទំនាក់ទំនងល្អៗធ្លាប់មានជាមួយលោក Putin គ្មានថ្ងៃវិលទៅដូចដើមឡើយ

នាយករដ្ឋមន្ត្រីអង់គ្លេសលោក Boris Johnson បាននិយាយកាលពីថ្ងៃព្រហស្បតិ៍ថា ទំនាក់ទំនងល្អៗធ្លាប់មានពីមុនមកជាមួយប្រធានាធិបតីរុស្ស៊ីលោក Vladimir Putin នឹងគ្មានថ្ងៃវិលត្រឡប់ដូចដើមនោះទេ បន្ទាប់ពីសង្គ្រាមលុកលុយរបស់ទីក្រុងមូស្គូលើអ៊ុយក្រែន ។

ក្នុងអំឡុងពេលសម្ភាសន៍តាមវិទ្យុ LBC និងត្រូវបានសួរថាតើលោក Putin អាចត្រូវបានស្វាគមន៍នៅលើឆាកពិភពលោកដែរឬទេ ប្រសិនបើគាត់ដឹងកំហុសនោះ លោក Johnson បាននិយាយថា “ការដឹងកំហុសរបស់លោក Putin នឹងពិបាកខ្លាំងណាស់ ។

លោក Johnson បញ្ជាក់ថា “ខ្ញុំមើលមិនឃើញសម្រាប់ជីវិតរបស់ខ្ញុំដែលអាចស្ដារទំនាក់ទំនងឡើងវិញជាមួយលោក Putin បាននោះទេ ។ ជាក់ស្ដែងកាលពីឆ្នាំ ២០១៤ ពិភពលោកបានប្រថុយនឹងការកើតឡើងម្តងទៀត នៅពេលដែលរុស្ស៊ីបញ្ចូលតំបន់គ្រីមៀ” ។

ជាចុងក្រោយលោក Johnson សង្កត់ធ្ងន់ថា “ប្រសិនបើជនជាតិអ៊ុយក្រែនធ្វើកិច្ចព្រមព្រៀងណាមួយជាមួយលោក Putin នោះវានឹងមានហានិភ័យ ។ ដូច្នេះចម្លើយយ៉ាងខ្លីគឺថា លោក Putin គ្មានថ្ងៃដឹងកំហុសនោះទេ ហើយចក្រភពអង់គ្លេសគឺដឹងច្បាស់ណាស់អំពីរឿងនោះ” ៕

ប្រែសម្រួលដោយ ៖ ជីវ័ន្ត

ប្រភព ៖ Daily Sabah

ចុចអាន ៖ អាមេរិក ប្រាប់មូលហេតុសង្គ្រាម រុស្ស៊ី-អ៊ុយក្រែន នៅតែអូសបន្លាយពេល (មានវីដេអូ)