អាមេរិក ប្រាប់មូលហេតុសង្គ្រាម រុស្ស៊ី-អ៊ុយក្រែន នៅតែអូសបន្លាយពេល (មានវីដេអូ)

មន្ត្រីជាន់ខ្ពស់ក្រសួងការពារជាតិអាមេរិកនិយាយថា សង្គ្រាមលុកលុយរបស់រុស្ស៊ីនៅភាគខាងកើតប្រទេសអ៊ុយក្រែនអាចអូសបន្លាយពេលទៀត ព្រោះតែភាគីទាំងពីរសុទ្ធតែស្គាល់ច្បាស់អំពីតំបន់ប្រយុទ្ធ និងក៏ដោយសារតែរុស្ស៊ីពឹងផ្អែកខ្លាំងទៅលើការវាយប្រហាររយៈចម្ងាយឆ្ងាយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរូបនេះបញ្ជាក់ថា មានការវិវត្តតិចណាស់ក្នុងការប្រយុទ្ធគ្នានៅភាគខាងកើតអ៊ុយក្រែន ប៉ុន្តែរុស្ស៊ីក៏អាចសម្រេចបាននូវគោលបំណងសំខាន់ណាមួយរបស់ខ្លួននៅរយៈពេលប្រហែល ២ សប្ដាហ៍ទៀតក៏ថាបាន ។

មន្ត្រីបានប្រាប់អ្នកយកព័ត៌មានកាលពីថ្ងៃពុធថា កងកម្លាំងដីគោករបស់រុស្ស៊ីនៅក្នុងតំបន់ Donbas គឺ “មិនស៊ីសង្វាក់គ្នា” ហើយថាមពលប្រយុទ្ធរបស់ពួកគេភាគច្រើនហាក់ដូចជាផ្តោតទៅលើភាគខាងត្បូងនៃទីក្រុង Izyum ក៏ដូចជាតំបន់ភាគខាងកើតនៃទីក្រុង Kharkiv ជំនួសវិញ ។

មន្ត្រីរូបនេះបានបន្ថែមថា ចំណែកចាប់តាំងពីការលិចនៃនាវាចម្បាំង Moskva នៅសមុទ្រខ្មៅកាលពីខែមុនមក នាវារុស្ស៊ីបានរក្សាចម្ងាយឆ្ងាយពីសមុទ្រ Odesa ហើយអាមេរិកមើលឃើញការវាយប្រហារនៅតំបន់ផ្សេងក៏នៅមានកម្រិតនៅឡើយ ។

គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេលជាង ២ ខែមកហើយ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ្នកមានៗ អាមេរិក សម្រុកទិញលិខិតឆ្លងដែនមួយទៀតដើម្បីរស់នៅ ប្រទេសផ្សេង