ព័ត៌មានអន្ដរជាតិ
តៃវ៉ាន់ថ្កោលទោសអ្នករៀបចំការប្រកួត World Cup ពាក់ព័ន្ធនយោបាយ
ក្រសួងការបរទេសតៃវ៉ាន់បានថ្កោលទោសអ្នករៀបចំការប្រកួតបាល់ទាត់ជើងឯកពិភពលោក(World Cup) នៅប្រទេសកាតា ដែលបាននិយាយថា អ្នកគាំទ្រតៃវ៉ាន់ប្រហែលជាត្រូវបានចុះបញ្ជីជាអ្នកគាំទ្រមកពីប្រទេសចិន និងទាមទារឲ្យអ្នករៀបចំការប្រកួតមិនត្រូវបណ្តោយឲ្យកត្តានយោបាយមិនល្អជ្រៀតជ្រែកក្នុងរឿងកីឡាឡើយ។
បញ្ហាមានភាពរសើបយ៉ាងខ្លាំងសម្រាប់កោះតៃវ៉ាន់ដែលស្វ័យគ្រប់គ្រងប្រកបដោយប្រជាធិបតេយ្យ ខណៈប្រទេសចិនបានអះអាងថាជាទឹកដីរបស់ខ្លួន។
អ្នកកាត់សំបុត្រចូលទស្សនាបាល់ទាត់ពិភពលោកទាំងអស់ត្រូវតែស្នើសុំកាត Hayya ដែលត្រូវបានប្រើដើម្បីបញ្ជាក់អត្តសញ្ញាណរបស់អ្នកគាំទ្រ ហើយបម្រើជាទិដ្ឋាការសម្រាប់ការចូលប្រទេសកាតាផងដែរ។
កាលពីថ្ងៃអង្គារ៍ បញ្ជីរាយឈ្មោះប្រទេសនៅលើប្រព័ន្ធទម្រង់ស្នើសុំមិនមានចុះកោះតៃវ៉ាន់ទេ ហើយមន្ត្រីជាន់ខ្ពស់ម្នាក់របស់កាតាបាននិយាយថា អ្នកគាំទ្រតៃវ៉ាន់ទំនងជាត្រូវបានដាក់ក្នុងបញ្ជីជាអ្នកគាំទ្រមកពីចិននៅលើកាត។
គិតត្រឹមថ្ងៃពុធនេះ ប្រព័ន្ធតាមអនឡាញបានចុះបញ្ជីកោះតៃវ៉ាន់ជាខេត្តមួយរបស់ប្រទេសចិនដែលបានធ្វើឲ្យរដ្ឋាភិបាល និងប្រជាជនតៃវ៉ាន់ជាច្រើនមានការខឹងសម្បារយ៉ាងខ្លាំង។
ស្ត្រីអ្នកនាំពាក្យក្រសួងការបរទេសតៃវ៉ាន់ អ្នកស្រី Joanne Ou បាននិយាយថា ៖«វាពិតជាមិនអាចទទួលយកបានទេចំពោះការមើលងាយប្រទេសយើង» ហើយពួកគេកំពុងស្វែងរកឲ្យអ្នករៀបចំកែតម្រូវឲ្យបានលឿន។
អ្នកស្រីមានប្រសាសន៍ថា ៖«ជាថ្មីម្តងទៀត ក្រសួងការបរទេសអំពាវនាវដល់អ្នករៀបចំការប្រកួតជើងឯកពិភពលោក មិនត្រូវអនុញ្ញាតឲ្យកត្តានយោបាយមិនល្អជ្រៀតជ្រែកចូលក្នុងសកម្មភាពកីឡាដ៏ល្អនោះទេ ហើយកំពុងធ្វើឲ្យទីលានខូចតម្លៃនៃការប្រកួត និងស្មារតីនៃអត្តពលិក»។
«អ្នករៀបចំគួរអនុញ្ញាតឲ្យកីឡាក្លាយជាកីឡា ហើយផ្តល់ឲ្យអ្នកគាំទ្រទូទាំងពិភពលោកនូវការប្រកួតជើងឯកពិភពលោកដ៏ស្រស់ស្អាត»។ អ្នកស្រីបានបន្ថែម៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព