សេដ្ឋកិច្ច
រុស្ស៊ី ក្លាយជាប្រទេសផ្គត់ផ្គង់ប្រេងធំជាងគេរបស់ចិន
ប្រទេសរុស្ស៊ី បានក្លាយជាអ្នកផ្គត់ផ្គង់ប្រេងធំបំផុតរបស់ចិន ខណៈទីក្រុងមូស្គូ បានលក់ប្រេងឆៅបញ្ចុះតម្លៃទៅឲ្យទីក្រុងប៉េកាំង ចំពេលមានទណ្ឌកម្មជុំវិញសង្គ្រាមអ៊ុយក្រែន។
ដោយសារតែតម្លៃទាប ក្រុមហ៊ុនចិនបានបង្កើនការទិញប្រេងពីរុស្ស៊ីនៅឆ្នាំនេះ។
តួលេខផ្លូវការបង្ហាញថា បើធៀបនឹងឆ្នាំមុន ការនាំចូលប្រេងរបស់រុស្ស៊ីបានកើនឡើង ៥៥% ដល់កម្រិតកំណត់ត្រា ក្នុងខែឧសភា។
យោងតាមទិន្នន័យពីរដ្ឋបាលគយចិន, ការនាំចូល ដែលរួមមានការផ្គត់ផ្គង់ដែលបូមតាមរយៈបំពង់បង្ហូរប្រេងស៊ីបេរីខាងកើតទៅមហាសមុទ្រប៉ាស៊ីហ្វិក និងការដឹកជញ្ជូនតាមសមុទ្រពីកំពង់ផែអឺរ៉ុប និងចុងបូព៌ារបស់រុស្ស៊ី មានចំនួនសរុបជិត ៨.៤២លានតោនកាលពីខែមុន។
ចំនួននោះ បានរុញប្រទេសអារ៉ាប៊ីសាអូឌីត ដែលជាអតីតប្រភពប្រេងឆៅដ៏ធំបំផុតរបស់ចិន ធ្លាក់ទៅចំណាត់ថ្នាក់លេខ២ ជាមួយនឹងបរិមាណ ៧.៨២ លានតោន។
ក្រុមហ៊ុនចិន រួមទាំងក្រុមហ៊ុន Sinopec ដែលជាក្រុមហ៊ុនចម្រាញ់របស់រដ្ឋ និងក្រុមហ៊ុន Zhenhua Oil ដែលគ្រប់គ្រងដោយរដ្ឋផងដែរ បានបង្កើនការទិញប្រេងឆៅរបស់រុស្ស៊ី ក្នុងរយៈពេលប៉ុន្មានខែថ្មីៗនេះ បន្ទាប់ពីទទួលបានការបញ្ចុះតម្លៃយ៉ាងខ្លាំង ខណៈអ្នកទិញនៅអឺរ៉ុប និងសហរដ្ឋអាមេរិក បានបដិសេធថាមពលរុស្ស៊ី ស្របតាមការដាក់ទណ្ឌកម្មជុំវិញសង្គ្រាមរបស់ខ្លួននៅអ៊ុយក្រែន។
កាលពីខែមីនា សហរដ្ឋអាមេរិក និងចក្រភពអង់គ្លេសបាននិយាយថា ពួកគេនឹងហាមឃាត់ប្រេងរបស់រុស្ស៊ី ខណៈសហភាពអឺរ៉ុបកំពុងធ្វើការឆ្ពោះទៅរកការបញ្ចប់ ការពឹងផ្អែកលើឧស្ម័នរបស់រុស្ស៊ី។ ប្រទេសលោកខាងលិច ក៏បានបង្កើនការឆ្លើយតបផ្នែកសេដ្ឋកិច្ច ចំពោះការលុកលុយរបស់រុស្ស៊ី។
ប្រធានាធិបតីអាមេរិក លោក Joe Biden បាននិយាយថា វិធានការនេះ ផ្តោតលើសរសៃឈាមសំខាន់នៃសេដ្ឋកិច្ចរបស់រុស្ស៊ី។
គួរបញ្ជាក់ថា ការនាំចេញថាមពលគឺជាប្រភពចំណូលដ៏សំខាន់សម្រាប់ប្រទេសរុស្ស៊ី ប៉ុន្តែការហាមឃាត់ក៏ ប៉ះពាល់ដល់អ្នកប្រើប្រាស់លោកខាងលិចផងដែរ៕
ប្រែសម្រួល៖ Vann Vann
ប្រភព៖ BBC
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម