កីឡា
Peter Crouch ចោទសួរ ហេតុអីគួរពន្យារប្រកួតក្របខណ្ឌបាល់ទាត់អង់គ្លេស?
អតីតកីឡាករជម្រើសជាតិអង់គ្លេសកម្ពស់ខ្ពស់ Peter Crouch បានសម្ដែងការខកចិត្តដែលកីឡាបាល់ទាត់នឹងមិនអាចមានឱកាសបង្ហាញការគោរពដល់ម្ចាស់ក្សត្រី Elizabeth II នៅចុងសប្តាហ៍នេះ ខណៈដែលក្រុមកីឡា Cricket អង់គ្លេស និងក្រុមលេងបាល់ឱប (Premiership Rugby) បានសម្ដែងការគោរពរួចរាល់ហើយ។
Peter Crouch បានចោទសួរថា ហេតុអ្វីបានជា Premier League ពន្យារពេលការប្រកួត បន្ទាប់ពីការយាងសោយព្រះពិរាល័យរបស់ម្ចាស់ក្សត្រី Elizabeth II ហើយបានសារភាពថាវាអាច “ប្រសើរជាង” ប្រសិនបើក្រុមនិងអ្នកគាំទ្រអាចចូលរួមបង្ហាញការគោរពរបស់ពួកគេនៅក្នុងកីឡដ្ឋាន។
កាលពីរសៀលថ្ងៃសុក្រ Premier League និង FA បានសម្រេចថា ការប្រកួតទាំងអស់នៅចុងសប្តាហ៍នេះនឹងត្រូវបានពន្យារពេល ជាសញ្ញានៃការគោរពចំពោះព្រះមហាក្សត្រិយានី ដែលបានសោយទិវង្គតកាលពីថ្ងៃព្រហស្បតិ៍ ក្នុងជន្មាយុ ៩៦ព្រះវស្សា។
Peter Crouch បានសរសេរនៅលើ Twitter ថា៖ «នេះគឺជាពេលវេលាដ៏សោកសៅ ដ៏ក្រៀមក្រំមួយសម្រាប់មិនត្រឹមតែប្រទេសយើងប៉ុណ្ណោះទេ ប៉ុន្តែក៏សម្រាប់មនុស្សរាប់លាននាក់ជុំវិញពិភពលោក ដែលបានកោតសរសើរទ្រង់ ហើយយើងចូលរួមទាំងអស់គ្នាក្នុងការកាន់ទុក្ខចំពោះការសោយទីវង្គត់របស់ទ្រង់”។
ទោះបីជាការសម្រេចចិត្តផ្អាកការប្រកួតកីឡាបាល់ទាត់នៅពេលដែលប្រទេសនេះឈានចូលដល់ដំណាក់កាលនៃការកាន់ទុក្ខក៏ដោយ កីឡាផ្សេងទៀត រួមទាំងកីឡាបាល់ឱប និងកីឡា cricket បានសម្រេចចិត្តបន្តលេងនៅចុងសប្តាហ៍នេះ។
Crouch បាននិយាយទៀតថា «ខ្ញុំដឹងថាវាគ្រាន់តែជាការប្រកួតមួយប៉ុណ្ណោះ ហើយរឿងខ្លះធំជាងនេះ ប៉ុន្តែបើសាកស្រមៃថាការប្រកួតរបស់យើងទាំងអស់បានដំណើរការនៅចុងសប្តាហ៍នេះ មានការពាក់អាវខ្មៅ ការស្មឹងស្មាធ ការគោរពភ្លេងជាតិ គោរពភ្លេងមហាក្សត្រជាដើម ដើម្បីឱ្យមនុស្សរាប់លាននាក់ជុំវិញពិភពលោកកំពុងទស្សនា? តើនេះមិនមែនជាការជូនដំណើរដ៏ល្អឬយ៉ាងណា?»
DCMS បានបញ្ជាក់កាលពីថ្ងៃសុក្រថា ស្ថាប័នកីឡា មានសេរីភាពក្នុងការប្រើប្រាស់ការសំរេចចិត្តផ្ទាល់ខ្លួនរបស់ពួកគេ ថាតើពួកគេគួរបន្តជាមួយនឹងព្រឹត្តិការណ៍ប្រកួតដែលគ្រោងនឹងធ្វើឡើងនៅចុងសប្តាហ៍នេះ ឬមិនបន្ត ដោយវាមិនមែនជាកាតព្វកិច្ចទេ៕
ប្រភព៖ mirror.co.uk
អត្ថបទ៖ មន្នីរ័ត្ន
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល