កីឡា
ជួបកម្ពុជាថ្ងៃនេះ គ្រូ U-20 លីបង់៖ បានដឹងពីចំណុចខ្លាំង និងខ្សោយអស់ហើយ
លោក Hassan Hassoun ជំនួយការគ្រូបង្វឹកក្រុមជម្រើសជាតិលីបង់ អាយុក្រោម ២០ឆ្នាំ បានលើកឡើងថា ក្រុមរបស់លោកបានដឹងពីចំណុចខ្លាំង និងចំណុចខ្សោយ របស់ក្រុមក្នុងពូលរួចអស់ហើយ។
និយាយដូច្នេះ គឺនៅក្នុងសន្និសីទសារព័ត៌មានមុនការប្រកួត ពានយុវជនអាស៊ីអាយុក្រោម ២០ ឆ្នាំ (AFC U-20 Asian Cup) វគ្គជម្រុះ ប្រចាំពូល I ដែលធ្វើឡើងនៅទឹកដីកណ្ដាលនាប្រទេសតាជីគីស្ថាន ខណៈថ្ងៃបើកឆាកនេះត្រូវជួបជាមួយ U-20 កម្ពុជា។
លោក Hassan Hassoun បាននិយាយថា៖ «យើងមក Dushanbe (ទីក្រុងរបស់ប្រទេសតាជីគីស្ថាន) ដើម្បីទទួលបានលទ្ធផលវិជ្ជមាន។ យើងបានសិក្សាយ៉ាងហ្មត់ចត់លើគូប្រកួតរបស់យើងទាំងអស់ – យើងដឹងពីចំណុចខ្សោយ និងចំណុចខ្លាំងរបស់ពួកគេ។»
គ្រូជំនួយដដែលរូបនេះក៏បានបង្ហាញពីការត្រៀមខ្លួនដ៏ល្អផងដែរថា៖ «ជាផ្នែកនៃការរៀបចំសម្រាប់ការប្រកួតជម្រុះ Asian Cup នេះ យើងបានចូលរួមក្នុងការប្រកួត Arab Cup of Nations ជាកន្លែងដែលយើងប្រកួតជាមួយក្រុមមកពីអាល់ហ្សេរី និងលីប៊ី។ លើសពីនេះ ពួកយើងមានការប្រកួតមិត្តភាពជាមួយក្រុមជម្រើសជាតិអាមេនី ក្នុងទីក្រុង Yerevan ដូច្នេះការរៀបចំមានផ្លែផ្កាល្អណាស់។»
ដោយឡែកគ្រូបង្វឹក U-20 កម្ពុជា ពុំបានចូលរួមក្នុងសន្និសីទសារព័ត៌មានឡើយ ដោយសារកំពុងតែធ្វើដំណើរតាមផ្លូវនៅឡើយ។
បញ្ជាក់ថា ការប្រកួតរវាង U-20 កម្ពុជា ជាមួយ U-20 លីបង់ នឹងធ្វើឡើងនៅម៉ោង ៨ យប់ថ្ងៃទី ១៤ នេះ នៅកីឡដ្ឋាន Pamir Stadium ទីក្រុង Dushanbe ប្រទេសតាជីគីស្ថាន៕
អត្ថបទ៖ មន្នីរ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ