តុលាការកាត់ទោសទណ្ឌិត សម រង្ស៊ី ក្នុងសំណុំរឿងថ្មីចំនួន២

នៅថ្ងៃទី៣០ ខែធ្នូ ឆ្នាំ២០២០នេះ សាលាដំបូងរាជធានីភ្នំពេញ បានកាត់ទោសទណ្ឌិត សម រង្ស៊ី ឱ្យជាប់ពន្ធនាគារ សរុបចំនួន៤ឆ្នាំទៀត ក្នុងនោះមាន២ឆ្នាំ លើករណីបំភ្លៃព័ត៌មានជុំវិញមរណភាពរបស់ លោក ហុក ឡង់ឌី អតីតអគ្គស្នងការនគរបាលជាតិ និង២ឆ្នាំទៀត លើករណីញុះញង់ប្រជាពលរដ្ឋកុំឱ្យសងបំណុលធនាគារ។

មន្រ្តីតុលាការ បានឱ្យដឹងថា សំណុំរឿង ២ករណីរបស់ លោក សម រង្ស៊ី គឺពាក់ព័ន្ធ នឹងករណីដែល បានបំភ្លៃព័ត៌មានមិនពិតពាក់ព័ន្ធនឹងមរណភាព របស់ លោក ហុក ឡង់ឌី និងករណីញុះញង់កុំឱ្យប្រជាពលរដ្ឋសងលុយទៅធនាគារជាដើម។

គួរបញ្ជាក់ថា កាលពីខែមិថុនា ឆ្នាំ២០២០ កន្លងទៅ តុលាការព្រហ្មទណ្ឌទីក្រុងប៉ារីស ប្រទេសបារាំង បានសម្រេចដាក់ឲ្យលោក សម រង្ស៊ី ស្ថិតក្រោមការចោទប្រកាន់ពីបទ «បរិហារកេរ្តិ៍ជាសាធារណៈលើបុគ្គល» ផងដែរ តាមបណ្តឹងរបស់ លោក ឌី វីជ្ជា ជាកូនប្រុសរបស់ លោក ហុក ឡង់ឌី៕