ព័ត៌មានជាតិ
ការជួសជុលចាក់អ៊ុតបេតុងកៅស៊ូមហាវិថីសហព័ន្ធរុស្ស៊ីគ្រោងនឹងបញ្ចប់នៅដើមខែវិច្ឆិកា
ការជួសជុលចាក់អ៊ុតបេតុងកៅស៊ូបេទីមីណឺនៅមហាវិថីសហព័ន្ធរុស្ស៊ីចាប់ពីមហាវិថីព្រះមុន្នីវង្ស ដល់ស្ពានអាកាសចោមចៅគ្រោងនឹងបញ្ចប់រួចរាល់នៅថ្ងៃទី ០៥ វិច្ឆិកា ឬមុនពិធីបុណ្យឯករាជ្យជាតិនិងបុណ្យអុំទូក។
![](https://www.kampucheathmey.com/wp-content/uploads/2022/10/image-2022-10-11T131058.750-1024x576.jpg)
មន្ត្រីរដ្ឋបាលរាជធានីភ្នំពេញបានឲ្យដឹងនៅព្រឹកថ្ងៃទី ១១ ខែតុលានេះថា៖ ដើម្បីសម្រួលដល់ការធ្វើចរាចរប្រកបដោយសុវត្ថិភាព ក៏ដូចជាលើកកម្ពស់សោភ័ណភាពរាជធានីភ្នំពេញដែលកម្ពុជានឹងធ្វើជាម្ចាស់ផ្ទះក្នុងការរៀបចំកិច្ចប្រជុំកំពូលអាស៊ាន លើកទី៤០ និង៤១ និងកិច្ចប្រជុំកំពូលពាក់ព័ន្ធ (40th & 41st ASEAN Summits and Related Summit) រដ្ឋបាលរាជធានីភ្នំពេញបានអនុញ្ញាតឱ្យមន្ទីរសាធារណការ និងដឹកជញ្ជូនរាជធានីភ្នំពេញ ធ្វើការជួសជុលចាក់អ៊ុតបេតុងកៅស៊ូបេទីមីណឺ នៅមហាវិថីសហព័ន្ធរុស្ស៊ីចាប់ពីមហាវិថីព្រះមុន្នីវង្សដល់ស្ពានអាកាសចោមចៅ ហើយគម្រោងនេះ តាមការការណែនាំពីលោក ឃួង ស្រេង អភិបាលរាជធានីភ្នំពេញការជួសជុលចាក់អ៊ុតបេតុងកៅស៊ូបេទីមីណឺនេះ ត្រូវឲ្យរួចរាល់នៅថ្ងៃទី០៥វិច្ឆិកា ឬមុនពិធីបុណ្យឯករាជ្យជាតិ និងបុណ្យអុំទូក។
![](https://www.kampucheathmey.com/wp-content/uploads/2022/10/image-2022-10-11T131120.118-1024x576.jpg)
មន្ត្រីរដ្ឋបាលរាជធានីភ្នំពេញបានបញ្ជាក់ផងដែរថា សម្រាប់គម្រោងនេះ ក្រុមការងារនៃមន្ទីរសាធារណការនិងដឹកជញ្ជូនរាជធានីភ្នំពេញ ធ្វើការជួសជុលចាក់អ៊ុតបេតុងកៅស៊ូបេទីមីណឺនៅលើផ្លូវនេះ តែពេលយប់ប៉ុណ្ណោះ ពោលគឺចាប់អនុវត្តពីម៉ោង៩យប់ដល់ម៉ោង៣ភ្លឺ ដើម្បីកុំឲ្យកកស្ទះចរាចររំខានដល់ការធ្វើដំណើររបស់បងប្អូនប្រជាពលរដ្ឋ។
ជាមួយគ្នានេះ រដ្ឋបាលរាជធានីភ្នំពេញ ក៏បានចេញសេចក្តីជូនដំណឹងមួយបងដែរ ដោយបានអំពាវនាវដល់បងប្អូនប្រជាពលរដ្ឋដែលកំពុងរស់នៅ និងធ្វើចរាចរឆ្លងកាត់លើកំណាត់ផ្លូវតំបន់នេះ សូមមេត្តាយោគយល់អធ្យាស្រ័យចំពោះការរំខានក្នុងដំណើរការការដ្ឋាននេះ៕
![](https://www.kampucheathmey.com/wp-content/uploads/2022/10/image-2022-10-11T131116.732-1024x576.jpg)
អត្ថបទ៖ ស្រីរ័ត្ន
-
KPT+២ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
ព័ត៌មានជាតិ២ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ
-
ព័ត៌មានអន្ដរជាតិ៦ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ៤ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៦ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៧ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៥ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម៤ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ