នយោបាយ

លោក សួន សេរីរដ្ឋា៖ កិច្ចព្រមព្រៀង ២៣ តុលា មិនទាន់់នាំសន្តិភាព និងបញ្ចប់សង្គ្រាមទាំងស្រុងនៅកម្ពុជានោះទេ

បានផុស

៤ years មុន

នៅ

ថ្ងៃសុក្រ ២១ តុលា ២០២២

ដោយ

លោក សួន សេរីរដ្ឋា ប្រធានវេទិកាសន្តិភាពកម្ពុជាបានគូសថា តាមរយៈកិច្ចព្រមព្រៀងទីក្រុងប៉ារីស ថ្ងៃទី២៣ ខែតុលា ឆ្នាំ ១៩៩១ មិនទាន់អាចនាំមកនូវសន្តិភាពពេញលេញ និងបញ្ចប់សង្គ្រាមទាំងស្រុងនៅកម្ពុជានោះទេ។ លោកបានអះអាងបែបនេះ នៅក្នុងវេទិកាមួយស្ដីពីកិច្ចព្រមព្រៀងសន្តិភាពទីក្រុងប៉ារីសកាលពីថ្ងៃទី ២០ ខែតុលា ជាមួយកម្ពុជាថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធកិច្ចព្រមព្រៀងទីក្រុងបារីស ២៣ តុលា លោក សួន សេរីរដ្ឋា បានលើកឡើងថា គ្រាប់ពូជនៃយោបាយ គឺបានទម្លាក់ចូលទៅក្នុងដីតាំងពីថ្ងៃទី០២ ខែធ្នូ ឆ្នាំ១៩៨៧ ក្នុងជំនួបរបស់សមមិត្តហ៊ុន សែន និងសម្ដេចសីហនុ នៅហ្វេអង់តាដឺណ័រ ហើយទទួលបានផលពេញលេញនៅថ្ងៃទី ២៩ ខែធ្នូ ឆ្នាំ១៩៩៨ មិនមែននៅក្នុងថ្ងៃទី២៣ ខែតុលា ឆ្នាំ ១៩៩១ នោះទេ។

លោកថា «យើងទទួលស្គាល់ថាថ្ងៃទី២៣ តុលា ១៩៩១ គឺមានកិច្ចព្រមព្រៀងមួយ ប៉ុន្តែកិច្ចព្រមព្រៀងនោះ មិនបាននាំមកនូវសន្តិភាពឲ្យកម្ពុជាទេ មិនបានបញ្ចប់សង្គ្រាមស៊ីវិលនៅកម្ពុជា ១០០ភាគរយនោះទេ»។ មិនតែប៉ុណ្ណោះ នៅពេលនោះ ភាគីខ្មែរក្រហមបានដកខ្លួនចេញពីកិច្ចព្រមព្រៀង ដកខ្លួនចេញពីការបោះឆ្នោត ហើយជាពិសេសកម្លាំងអន្តរជាតិដែលបានចូលមកថែររក្សាសន្តិសុខ នៅក្នុងប្រទេសកម្ពុជានាពេលនោះ ទទួលរងនៅការវាយប្រហារពីកងទ័ពព្រៃរបស់ខ្មែរក្រហម។

លោកបានអះអាងថា ចំពោះការនិយាយថាចំពោះការអនុវត្តមិនបានពេញលេញសន្តិភាពនៅទីក្រុងប៉ារីស គ្រាន់តែជាការលើកឡើង កេងចំណេញនយោបាយតែមិនទទួលស្គាល់ការពិតនៃសមិទ្ធផល និងកិច្ចព្រមព្រៀងនៅទីក្រុងប៉ារីស ដែលកំពុងអនុវត្តពេញលេញ មានចែងនៅក្នុងរដ្ឋធម្មនុញ្ញ ព្រមទាំងការបំពេញបន្ថែមអ្វីដែលខ្វះខាតអង្គការសហប្រជាជាតិមិនបានអនុវត្តពេញលេញ។

អ្វីដែលអង្គការសហប្រជាជាតិមិនបានអនុវត្តពេញលេញគឺមិនបានបញ្ចប់សង្រ្គាមនៅកម្ពុជាទេ។ «បើគ្មានលទ្ធផលនៃនយោបាយឈ្នះៗ មកដល់ពេលនេះ គឺកម្ពុជាមិនអាចមានសន្តិភាព មិនអាចមានការអនុវត្តដូចសព្វថ្ងៃនេះដែរ»៕

ដោយ៖ ថារី