ជីវិតកម្សាន្ដ

តារាថៃ ប្រុស-ស្រី ៥ គូ អ្នកគាំទ្រចង់ឲ្យស្រលាញ់គ្នាក្រៅឆាក ក្រោយបង្ហាញភាពស្និទ្ធស្នាលខ្លាំង

បានផុស

៤ years មុន

នៅ

ថ្ងៃចន្ទ ២៤ តុលា ២០២២

ដោយ

មានតារាប្រុសស្រីថៃជាច្រើនគូ ក្រោយសម្ដែងក្នុងរឿងជាមួយគ្នាហើយ អ្នកគាំទ្រតែងចង់ឲ្យពួកគេក្លាយជាគូស្នេហ៍ពិតៗដូចក្នុងភាពយន្ត។ ទោះយ៉ាងនេះក្ដី នៅខាងក្រៅឆាកឯណោះ ក៏គូខ្លះនៅតែបង្ហាញភាពស្និទ្ធស្នាលខ្លាំង ខណៈអ្នកខ្លះបានចេញមុខមកបកស្រាយថា មិនអាចទៅហួសពីតំបន់មិត្តឡើយ។

ថ្ងៃនេះកម្ពុជាថ្មី សូមពាំនាំតារាប្រុស-ស្រី៥គូ បើទោះជាធ្លាប់និយាយថាគ្មានអ្វីលើសមិត្ត ប៉ុន្តែបើអ្នកគាំទ្រនៅតែចង់ឲ្យក្លាយជាគូស្នេហ៍ពិតៗក្រៅឆាក។

១ Punjan Prama និង Prang Kannarun

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីគូនេះបានសម្ដែងរួមគ្នាក្នុងរឿង”បុព្វេសន្និវាស” រួចមក អ្នកគាំទ្រអ្នកទាំងពីរបានផ្គូផ្គូងថា ពិតជាសក្ដិសមគ្នាពិតៗ។ ទន្ទឹមនោះ ដោយសារតែស្ថានភាពដែលពួកគេបានចេញមកប្រកាសថានៅលីវដូចគ្នាថែមទៀត។ ប៉ុន្តែទាំងPunjan និង Prang បានចេញមកសម្ភាសថា ពួកគេមិនអាចផ្លាស់ទីស្ថានភាពទំនាក់ទំនងបានទេ ព្រោះភាពស្និទ្ធស្នាលដែលពួកគេមានចំពោះគ្នាដូចបងប្អូនតែប៉ុណ្ណោះ។

២ Juné Plearnpichaya និង Jaonaay Jinjett

ចំណែកមួយគូនេះ ជាគូស្នេហ៍មួយទៀតដែលធ្វើឲ្យអ្នកគាំទ្រផ្គូផ្គងឲ្យស្រលាញ់គ្នា។ ក្រោយមក ទើបខាងស្រី Juné បានចេញមកផ្ដល់បទសម្ភាសជាមួយអ្នកសារព័ត៌មានកាលពីពេលថ្មីៗនេះថា ស្ថានភាពចុងក្រោយរវាងនាងនិង Jaonaay តាមពិតគ្មានអ្វីទេ ហើយអ្នកទាំងពីរគ្រាន់តែជាមិត្តល្អប៉ុណ្ណោះ។

៣ Baifern Pimchanok និង Naphat

ក្រោយស្និទ្ធស្នាលគ្នាខ្លាំង អ្នកគាំទ្រក៏បានប្រកាសចង់ឲ្យអ្នកទាំងពីរមានទំនាក់ទំនងស្នេហានឹងគ្នាមែន។ ប៉ុន្តែអ្វីៗត្រូវបញ្ចប់ នៅពេល Baifern ចេញមកបញ្ជាក់ប្រាប់អ្នកសារព័ត៌មានថា ដែលពាក់ព័ន្ធយ៉ាងជិតស្និទ្ធកន្លងមក គឺត្រឹមមិត្តពិតៗ។ អ្នកទាំងពីរគ្រាន់តែនៅជិតគ្នា គឺមានអារម្មណ៍ថាសប្បាយ មិនមានអ្វីលើសនេះទេ។

៤ Nong Thana និង Sakonrat

ថ្វីត្បិតតែអ្នកទាំងពីរបានបដិសេធយ៉ាងម៉ឺងម៉ាត់ថា ពិតជាមិនមានអ្វីលើសនេះក៏ពិតមែន ប៉ុន្តែសម្រាប់ Nong Thana និង Sakonrat តែងតែមានពេលវេលាផ្អែមល្ហែម បង្ហោះលើបណ្ដាញសង្គមរៀងខ្លួន។

៥ Kem Hussawee និង Mookda Narinrak

ទោះបីជាអ្នកទាំងពីរមិនប្រើឋានៈអ្វីក្រៅពីពាក្យថាមិត្ត ដែលតែងតែជូនពរគ្នានិងដើរកម្សាន្តសប្បាយជាមួយក្ដី ប៉ុន្តែដោយសារតែភាពផ្អែមល្ហែមរបស់អ្នកទាំងពីរ បានធ្វើឲ្យអ្នកគាំទ្រចាំអបអរសាទរជានិច្ច។ អ្នកគាំទ្រនៅតែមានសង្ឃឹមយ៉ាងជ្រាលជ្រៅ ថាគូនេះ នឹងក្លាយជាគូមួយទៀតដែលបានឆ្លងផុតតំបន់មិត្តដោយជោគជ័យផងដែរ៕

ប្រែសម្រួល៖ សាង ស្រីល័ក្ខ

ចុចអាន៖Patricia ដឹកដៃមិត្តប្រុសមហាសេដ្ឋី ជប់លៀងលាភាពនៅលីវ មុនមង្គលការចាប់ផ្ដើមចុងឆ្នាំនេះ

ចុចអាន៖ទស្សនិកជនរំពឹងថា តារាស្រី ៥ រូបនេះ នឹងត្រូវតែងតាំងសម្រាប់ពានរង្វាន់ តារាសម្តែងល្អបំផុតឆ្នាំនេះ