គូស្នេហ៍ផ្អែមល្ហែម Davika-Ter ចាប់ដៃគ្នាថតរូបថ្ងៃ Halloween ម្សិលមិញ ប្លែកភ្នែកទស្សនិកជន

គូស្នេហ៍កំពុងសាងភាពល្បីល្បាញ Mai Davika និង Ter Chantavit ចាប់ដៃគ្នាតុបតែងកាយជាខ្មោចក្នុងថ្ងៃបុណ្យ Halloween ប្លែក​ភ្នែក​ទស្សនិកជន​ជា​ច្រើនមិន​ធម្មតា​នោះ​ទេ ។

កាលពីម្សិលមិញនេះ ​គឺជាថ្ងៃបុណ្យ Halloween ក្នុងឆ្នាំ២០២២​ មនុស្ស​ទូទាំង​ពិភពលោក​បាន​ចូលរួម​អបអរ​ក្នុង​ពិធី​បុណ្យ​នេះ​ ហើយ​ស្លៀកពាក់​និង​តុបតែង​កាយ​ជា​ខ្មោច​ក្នុង​ភាព​សប្បាយ​រីករាយ​ផ្សេងៗគ្នា។ ពិតណាស់ ​ក្នុង​នោះ​ក៏​មាន​តារា​ល្បីៗ​ជាច្រើន​ បាន​នាំ​គ្នា​អបអរ​ពិធី​បុណ្យ​ប៉ែក​អឺរ៉ុប​នេះ​ដែរ។ ជាក់ស្ដែង​គូស្នេហ៍​តារា​ល្បី Mai Davika និង Ter Chantavit Dhanasevi ក៏បង្ហាញវត្តមានផង​ដែរ។

ជាមួយគ្នា​នេះ​ដែរ​ គូស្នេហ៍​ផ្អែមល្ហែម​ Mai-Ter បាន​ស្លៀកពាក់​ដូច​ក្នុង​រឿង “Death Becomes Her” ដែលជាសាច់រឿងរន្ធត់ខ្លាំង ខណៈ​តារា​សម្ដែង Mai Davika បាន​សរសេរ​ខេបសិន​​ថា​ “វា​ជា Halloween លើក​ដំបូង​របស់ពូ (Ter)” ។ ភ្លាមៗ​នោះ​ដែរ​​ មិត្តភ័ក្ដិ​ក្នុង​ឧស្សាហកម្ម​កម្សាន្ត​ថៃ និង​អ្នកគាំទ្រ ​បាន​សម្រុក​ចូល​មក​បញ្ចេញ​មតិ​ផ្សេងៗ​គ្នា​លើ​រូប​អ្នក​ទាំងពីរ​ជាច្រើន។ ក្នុង​នោះ​មាន​ទាំង​អ្នកខ្លះ​បាន​ចំអន់​គូស្នេហ៍ Mai Davika លេង​ថា​ ពេលណា​ទើប​រៀបការ​ អ្នក​គាំទ្រ​កំពុង​តែ​រង់ចាំ​មើល​កូន​កំលោះ​កូនក្រមុំ​ហើយ៕

ប្រែសម្រួល៖ សាង ស្រីល័ក្ខ

ចុចអាន៖តួឯកប្រុសរឿង “ពូម៉ូតូឌុបប៉ះសក់” ទម្លាយភាពលំបាកខ្លាំង ក្នុងនាមជាកូនសេដ្ឋីប្រាក់លាន

ចុចអាន៖Bella Ranee ទម្លាយមូលហេតុ រាងកាយកាន់តែស្គមស្គាំង ដូចតារាស្រីៗដទៃទៀត