កីឡា

ប៉ះកម្ពុជាស្អែក គ្រូម៉ាឡេស៊ីថា ត្រូវតែលេងស្ទីល Harimau Malaya

បានផុស

៣ years មុន

នៅ

ថ្ងៃព្រហស្បតិ៍ ៨ ធ្នូ ២០២២

ដោយ

វេលាម៉ោង៨យប់ស្អែក ម្ចាស់ផ្ទះម៉ាឡេស៊ីនឹងបើកទ្វារកីឡដ្ឋានជាតិ National Stadium ស្វាគមន៍ក្រុមជម្រើសជាតិកម្ពុជា ក្នុងជំនួបមិត្តភាពអន្តរជាតិត្រៀមព្រឹត្តិការណ៍ AFF Cup ឆ្នាំ២០២២ ដែលនឹងចាប់ផ្តើមនាថ្ងៃទី២០ ខែធ្នូនេះ។

ថ្លែងក្នុងសន្និសីទសារព័ត៌មាន នៅព្រឹកថ្ងៃទី៨ ខែធ្នូ លោក Kim Pan Gon គ្រូបង្វឹកជម្រើសជាតិម៉ាឡេស៊ី បាននិយាយថា ការប្រកួតជាមួយកម្ពុជា និងម៉ាឌីវពិតជាសំខាន់សម្រាប់ការជ្រើសរើសកីឡាករដែលត្រៀមខ្លួនរួចរាល់សម្រាប់ប្រកួត AFF Cup។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយថា ៖«យើងចង់ឲ្យក្រុមជម្រើសជាតិម៉ាឡេស៊ីអនុវត្តតាមទស្សនវិជ្ជា និងរបៀបលេងរបស់ក្រុមគឺរក្សាទម្រង់លេង Harimau Malaya (ខ្លាម៉ាឡេស៊ី) មិនថានរណាលេងទេ។ យើងបានផ្តល់របៀបលេងជាច្រើនដល់កីឡាករក្មេងៗ ដូច្នេះពួកគេប្រហែលជាស្មុគស្មាញផ្លូវចិត្តខ្លះចំពោះរបៀបលេងទាំងនោះ»។

ទន្ទឹមជាមួយគ្នានេះ លោក Kim Pan Gon បានសន្យាថា អ្នកគាំទ្រនឹងទទួលបាននូវអ្វីដែលពិសេសៗពីសមាជិកថ្មីៗដែលទើបជ្រើសរើសត្រៀមប្រកួតជាមួយ កម្ពុជា បើប្រៀបធៀបនឹងការជ្រើសរើសកាលប្រកួតជម្រុះ Asian Cup កាលពីខែមិថុនា និងពានស្តេចថៃ (King’s Cup) កាលពីខែកញ្ញា។

ក្រុមជម្រើសជាតិម៉ាឡេស៊ី ស្ថិតនៅចំណាត់ថ្នាក់ ១៤៦ ក្នុងតារាង FIFA Ranking ប្រៀបធៀបនឹងកម្ពុជាចំណាត់ថ្នាក់លេខ១៧៧។

ម៉ាឡេស៊ីស្ថិតនៅពូល B ជាមួយ វៀតណាម មីយ៉ាន់ម៉ា សិង្ហបុរី និងឡាវ។ ប្រកួតដំបូងប៉ះមីយ៉ាន់ម៉ា ថ្ងៃទី២១ ធ្នូ, ប៉ះឡាវថ្ងៃទី២៤ ធ្នូ និងបន្តប៉ះវៀតណាមថ្ងៃទី២៧ ធ្នូ មុនពេលប៉ះសិង្ហបុរី ថ្ងៃទី៣ ខែមករា ឆ្នាំ២០២៣។ ចំណែកកម្ពុជាស្ថិតនៅពូល A ជាមួយ ថៃ ឥណ្ឌូនេស៊ី ហ្វីលីពីន និងព្រុយណេ៕

ប្រែសម្រួល៖ វីរបុត្រ

Related Topics:ក្រុមបាល់ទាត់ជម្រើសជាតិកម្ពុជា AFF Championship

ព័ត៌មានអន្ដរជាតិ១២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៣ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

ព័ត៌មានអន្ដរជាតិ១ សប្តាហ៍ ago

រដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា