កីឡា

កញ្ញា ទូច ចាន់វត្តី កីឡាការិនីដ៏ស្រស់ស្អាតឈ្នះមេដាយមាសជើងឯកគុនខ្មែរអាស៊ាន

បានផុស

៣ years មុន

នៅ

ថ្ងៃចន្ទ ១២ ធ្នូ ២០២២

ដោយ

កីឡាការិនីគុនខ្មែរជម្រើសជាតិកម្ពុជា ទូច ចាន់វត្តី ដែលត្រូវបានអ្នកគាំទ្រប្រដាល់គុនខ្មែរចាប់អារម្មណ៍ពីសម្រស់ដ៏ស្រស់ស្អាតបានឈ្នះមេដាយមាសពីការប្រកួតជើងឯកគុនខ្មែរអាស៊ីអាគ្នេយ៍ ឆ្នាំ២០២២ ដែលទើបតែបញ្ចប់ទៅកាលពីល្ងាចថ្ងៃទី១១ ខែធ្នូ នៅខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់វិញ្ញាសានារីទម្ងន់៥៤គីឡូក្រាមនេះមានបេក្ខនារីតែ៣រូបប៉ុណ្ណោះគឺម្ចាស់ផ្ទះកម្ពុជា ទូច ចាន់វត្តី កីឡាការិនីវៀតណាម Nguyen Thanh Hang និងកីឡាការិនីម៉ាឡេស៊ី Nurhuda Fakhira។ លទ្ធផលចាប់ឆ្នោត កីឡាការិនីវៀតណាម ប៉ះកីឡាការិនីម៉ាឡេស៊ី ខណៈកីឡាការិនីកម្ពុជាឈរចាំវគ្គផ្តាច់ព្រ័ត្រតែម្តង។

កីឡាការិនីវៀតណាម Nguyen Thanh Hang បានយកឈ្នះកីឡាការិនីម៉ាឡេស៊ី ស៊ី Nurhuda Fakhira ដើម្បីឡើងទៅវគ្គផ្តាច់ព្រ័ត្រជួប ទូច ចាន់វត្តី។ នៅវគ្គផ្តាច់ព្រ័ត្រ កីឡាការិនីកម្ពុជាធ្វើបានយ៉ាងល្អឥតខ្ចោះពីការប្រកួត៣ទឹកពេញតាមរយៈរន្ទះជើង កណ្តាប់ដៃ និងជង្គង់ ដែលពោរពេញដោយបច្ចេកទេស។ ជាលទ្ធផល ចៅក្រមផ្តល់ពិន្ទុឲ្យកីឡាការិនីកម្ពុជារូបនេះឈ្នះកីឡាការិនីវៀតណាមដើម្បីក្លាយជាម្ចាស់មេដាយមាសអន្តរជាតិលើកដំបូងក្នុងអាជីពរបស់នាង។

នេះជាការប្រកួតលក្ខណៈអន្តរជាតិមុនកីឡាស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះលើកដំបូង ហើយកីឡាការិនី ទូច ចាន់វត្តី ក៏ជាសមាជិកគុនខ្មែរជម្រើសជាតិកម្ពុជាមួយរូបដែលកំពុងត្រៀមខ្លួនតំណាងជាតិប្រកួតស៊ីហ្គេមលើទឹកដីកំណើតរបស់ខ្លួនដែរ៕

អត្ថបទ៖ វីរបុត្រ

អានបន្ថែម៖ ម្ចាស់មេដាយមាស៧រូបរបស់កម្ពុជាពីជើងឯកគុនខ្មែរអាស៊ាន២០២២

Related Topics:កីឡាប្រដាល់គុនខ្មែរ

ព័ត៌មានអន្ដរជាតិ២០ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា