ព័ត៌មានអន្ដរជាតិ
លោក ពូទីន ប្រកាសដាក់ប្រើប្រាស់សព្វាវុធថ្មីៗ ក្នុងពេលឆាប់ៗ (មានវីដេអូ)
លោក វ្ល៉ាឌីមៀរ ពូទីន បាននិយាយកាលពីថ្ងៃពុធទី២១ខែធ្នូថា ឃ្លាំងអាវុធនុយក្លេអ៊ែររបស់រុស្ស៊ី គឺជាអ្នកធានាដ៏សំខាន់នៃអធិបតេយ្យភាពរបស់ខ្លួន ហើយលោកបានប្តេជ្ញាថា សព្វាវុធថ្មី នឹងដាក់ឲ្យប្រើប្រាស់ក្នុងពេលឆាប់ៗនេះ។ លោកពូទីន បានធ្វើសេចក្តីថ្លែងការណ៍ អំឡុងកិច្ចប្រជុំជាមួយមន្ត្រីការពារជាតិជាន់ខ្ពស់របស់ប្រទេស រុស្ស៊ី។
អាវុធនុយក្លេអ៊ែរទាំងបីរួមមាន មីស៊ីលដែលបាញ់ចេញពីយន្តហោះ, បាញ់ចេញពីនាវាមុជទឹក និងបាញ់ចេញពីឧបករណ៍ចល័តនៅលើដី។
លោកពូទីននិយាយថា “យើងនឹងបន្តរក្សា និងបង្កើនការត្រៀមខ្លួនប្រយុទ្ធដោយប្រើអាវុធនុយក្លេអ៊ែរ។ នេះគឺជាការធានាដ៏សំខាន់សម្រាប់ការថែរក្សាអធិបតេយ្យភាព និងបូរណភាពទឹកដីរបស់យើង សមភាពជាយុទ្ធសាស្ត្រ និងតុល្យភាពអំណាចទូទៅនៅក្នុងពិភពលោក”។
លោក ពូទីន បន្តថា មីស៊ីលបាលីស្ទិកអន្តរទ្វីប Sarmat ដែលបាញ់ចេញពីដីគោក នឹងដាក់ឲ្យប្រើប្រាស់ក្នុងពេលអនាគតដ៏ខ្លីខាងមុខ។ មីស៊ីលនេះ អាចធ្វើដំណើរបានចម្ងាយ១៨០០០ គីឡូម៉ែត្រ។
លើសពីនេះ នាវាចម្បាំង Admiral Gorshkov របស់កងនាវាចរភាគខាងជើង នឹងត្រូវបានបំពាក់ដោយមីស៊ីលប្រឆាំងនាវា Zircon ដែលមានល្បឿនលឿនជាងសំឡេង នៅដើមខែមករា។
ដោយដាក់ឲ្យដំណើរការក្នុងឆ្នាំ២០១០ នាវាចម្បាំងនេះគឺស្ថិតក្នុងចំណោមនាវាធំបំផុតរបស់រុស្ស៊ី ខណៈការធ្វើតេស្តមីស៊ីល Zircon នៅលើនាវា Admiral Gorshkov ត្រូវបានបញ្ចប់កាលពីខែមិថុនា។ នេះបើយោងតាមក្រសួងការពារជាតិ។
ស្របពេលជាមួយគ្នានោះ រដ្ឋមន្ត្រីក្រសួងការពារជាតិរុស្ស៊ី លោក Sergey Shoigu បាននិយាយនៅក្នុងកិច្ចប្រជុំដដែលថា យន្តហោះ Tu-160M ទី១ ដែលជាកំណែកាន់តែខ្លាំងនៃយន្តហោះទម្លាក់គ្រាប់បែកមានសមត្ថភាពនុយក្លេអ៊ែរ Tu-160 បានចូលរួមជាមួយកងទ័ពអាកាសរួចរាល់ហើយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី បង្អួតមីស៊ីលល្បឿនលឿនជាងសំឡេង២៧ដង គ្មានអ្វីអាចបញ្ឈប់បាន
-
ព័ត៌មានជាតិ៣ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានអន្ដរជាតិ១ សប្តាហ៍ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៦ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានជាតិ៣ ថ្ងៃ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានអន្ដរជាតិ៤ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ៣ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានអន្ដរជាតិ៦ ថ្ងៃ ago
ហេតុផលនៅពីក្រោយ រុស្ស៊ី បញ្ចប់តំណែងរដ្ឋមន្ត្រីការពារជាតិ
-
ព័ត៌មានជាតិ៦ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក