រុស្ស៊ី បង្អួតមីស៊ីលល្បឿនលឿនជាងសំឡេង២៧ដង គ្មានអ្វីអាចបញ្ឈប់បាន

ប្រទេសរុស្ស៊ី បានបង្ហាញវីដេអូថ្មីនៃមីស៊ីលល្បឿនលឿនជាងសំឡេង២៧ដងឈ្មោះ Avangard ឬគេហៅថា “អាចម៍ផ្កាយ” ដែលបានត្រៀមរួចរាល់សម្រាប់ការប្រយុទ្ធណាមួយ ហើយនេះអាចនិយាយបានថា ជាការគំរាមកំហែងនុយក្លេអ៊ែរមួយទៀតចំពោះប្រទេសលោកខាងលិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូនេះ បង្ហាញពីអាវុធកំពុងត្រូវបានដំឡើងនៅកន្លែងបាញ់បង្ហោះក្រោមដី ក្នុងតំបន់ Orenburg ភាគនិរតីប្រទេសរុស្ស៊ី ក្បែរព្រំដែនកាហ្សាក់ស្ថាន។

ទីក្រុងមូស្គូអះអាងថា មីស៊ីលដែលហោះលឿនជាងសំឡេងនេះ អាចបាញ់នៅខាងក្រៅបរិយាកាសផែនដី មុនពេលវាយប្រហារលើគោលដៅណាមួយក្នុងពិភពលោក ក្នុងរយៈពេលតិចជាង៣០នាទី។

ដូចប្រព័ន្ធមីស៊ីលល្បឿនលឿនជាងសំឡេងរបស់រុស្ស៊ីផ្សេងទៀតដែរ លោក វ្ល៉ាឌីមៀរ ពូទីន អះអាងថា ប្រទេសលោកខាងលិច គ្មានមធ្យោបាយដើម្បីបញ្ឈប់វាបានទេ។

ការដាក់ពង្រាយមីស៊ីលដែលមានល្បឿន ៣២ ១៨៧គីឡូម៉ែត្រក្នុងមួយម៉ោងនេះ គឺធ្វើឡើងបន្ទាប់ពីលោក ពូទីន បានបង្ហាញមីស៊ីលនុយក្លេអ៊ែរ Yars ប្រភេទថ្មីនៅក្នុងតំបន់ Kaluga និង Tver។

លោក ពូទីន ធ្លាប់បានអួតអាងថា ការវាយប្រហាររបស់មីស៊ីល Avangard គឺដូចអាចម៍ផ្កាយ និង គ្មានអ្វីអាចរារាំងបាន ពោលគឺមិនអាចបញ្ឈប់ដោយប្រព័ន្ធការពារណាមួយបានឡើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ុយក្រែន ភ័យកាន់តែខ្លាំង ពេលលោក ពូទីន ធ្វើដំណើរទៅ បេឡារុស