លោក ពូទីន ផ្ដល់ប្រាក់ជិត ៧ ម៉ឺនដុល្លារដល់គ្រួសារទាហានដែលស្លាប់ ក្នុងសង្គ្រាមនៅ អ៊ុយក្រែន

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានចុះហត្ថលេខាលើក្រឹត្យមួយ ដើម្បីផ្ដល់សាច់ប្រាក់ចំនួន ៥ លានរូបិ៍ (៦៨,៨០០ ដុល្លារ) ជាជំនួយដល់គ្រួសាររបស់ទាហានរុស្ស៊ីដែលបានស្លាប់ក្នុងសង្គ្រាមនៅអ៊ុយក្រែន ។

ក្រឹត្យដែលរួមបញ្ចូលទាំងការធានាបន្ថែមសម្រាប់ទាហាន កងកម្លាំងសន្តិសុខរុស្ស៊ី និងក្រុមគ្រួសាររបស់ពួកគេ ត្រូវបានផ្សព្វផ្សាយនៅលើគេហទំព័រទីភ្នាក់ងារព័ត៌មានច្បាប់របស់រុស្ស៊ីកាលពីថ្ងៃអង្គារ ។

ទន្ទឹមនឹងនេះដែរ ក្នុងក្រឹត្យនេះក៏នឹងត្រូវផ្ដល់ទឹកប្រាក់ ៣ លានរូបិ៍ (៤១,៣០០ ដុល្លារ) ទៅឲ្យទាហានរុស្ស៊ីដែលបានរងរបួស ឬបានឆ្លងកាត់ការប៉ះទង្គិចផ្លូវចិត្ត ក្នុងអំឡុងពេលសង្រ្គាមលុកលុយដែលអូសបន្លាយពេលជាង ១០ ខែមកនេះ ។

គួរបញ្ជាក់ថា សេចក្តីសម្រេចដែលបានចូលជាធរមាន គិតត្រឹមកាលបរិច្ឆេទដែលលោក ពូទីន ចុះហត្ថលេខានេះ នឹងក្ដោបលើក្រុមគ្រួសាររបស់ទាហានដែលបានបាត់បង់ជីវិត និងអ្នកដែលរងរបួសនៅថ្ងៃទី ២៤ ខែកុម្ភៈ នៅពេលដែលសង្រ្គាមរុស្ស៊ី-អ៊ុយក្រែនបានចាប់ផ្តើម ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មកដឹងចំនួនយន្តហោះដ្រូន រុស្ស៊ី ដែល អ៊ុយក្រែន បាញ់ទម្លាក់ក្នុងរយៈពេល ៣ ថ្ងៃដំបូងនៃឆ្នាំ ២០២៣