សុខភាព
ស្បែកខ្លាញ់គួរថែមុខបែបណាកុំឲ្យឡើងមុន ឬកាន់តែឡើងខ្លាញ់?
ស្រីៗដែលមានស្បែកខ្លាញ់ តែងប្រឈមនឹងការឡើងខ្លាញ់ច្រើនជ្រុល ដែលនាំឲ្យផ្ទៃមុខកើតមានបញ្ហាមួយចំនួន ដូចជាកើតមុន រន្ធញើសធំ ឬស្ទះរន្ធញើស។ល។ ម្យ៉ាងវិញទៀត ជាតិពុល និងធូលីដី ក៏អាចបង្កឲ្យកើតមានកន្ទួលពកតូចៗនៅលើស្បែកផងដែរ។ យ៉ាងណាមិញ ដើម្បីគ្រប់គ្រងការផលិតខ្លាញ់ឲ្យបានល្អ គ្នាយើងដែលមានស្បែកខ្លាញ់គួរអនុវត្តន៍តិចនិកថែរក្សាស្បែកដូចខាងក្រោម។
១. សម្អាតស្បែក
ពិតណាស់ ដើម្បីគ្រប់គ្រងជាតិខ្លាញ់ដែលលើស យើងចាំបាច់ត្រូវសម្អាតស្បែកឲ្យបានស្អាតល្អ ដោយលាងមុខចំនួន២ទៅ៣ដងក្នុងមួយថ្ងៃ។ ជាមួយគ្នានេះដែរ យើងគួរជ្រើសរើសហ្វូមលាងមុខណាដែលគ្មានជាតិខ្លាញ់ (Oil-free) និងមានសារធាតុផ្សំដូចជាSalicylic Acid, Tea tree oil រមៀត និងទឹកឃ្មុំ។
២. ជម្រុះកោសិកាចាស់
វិធីសាស្ត្រដ៏សំខាន់មួយទៀត គឺការជម្រុះកោសិកាចាស់ៗចំនួន១ដង ឬ២ដងក្នុងមួយសប្តាហ៍ ដើម្បីធានាថាស្បែករបស់យើងជៀសផុតពីការកើតមុនគ្រប់ប្រភេទ ក៏ដូចជាជួយឲ្យស្បែកមុខកាន់តែភ្លឺស្រស់ថ្លា។
៣. ប្រើទឹកជូតមុខដែលគ្មានជាតិអាកុលជារៀងរាល់ថ្ងៃ
ការជូតសម្អាតមុខជារៀងរាល់ថ្ងៃ អាចជួយកម្ចាត់ជាតិខ្លាញ់ដែលលើស និងធូលីដីចេញពីស្បែករបស់យើងបាន។ ដូច្នេះហើយ គ្នាយើងមិនគួររំលងដំណាក់កាលមួយនេះទេ។
៤. ផ្តល់សំណើមដល់ស្បែក និងលាបក្រែមការពារកម្តៅថ្ងៃ
ស្បែកខ្លាញ់ក៏ត្រូវការជាតិទឹក និងការផ្តល់សំណើមដូចគ្នា។ នៅពេលដែលយើងមិនផ្តល់សំណើមដល់ស្បែក នោះក្រពេញSebaceous នឹងផលិតខ្លាញ់កាន់តែច្រើន ដែលជាហេតុនាំឲ្យយើងប្រឈមនឹងបញ្ហាស្បែកផ្សេងៗ។ ដូច្នេះហើយ យើងគួរជ្រើសរើសក្រែមផ្តល់សំណើមដែលគ្មានជាតិប្រេង និងជាប្រភេទទឹក។ បន្ថែមពីនេះ យើងចាំបាច់ត្រូវលាបក្រែមការពារកម្តៅថ្ងៃឲ្យបានទៀងទាត់ ទោះបីជាស្ថិតនៅក្នុងអាកាសធាតុបែបណាក៏ដោយ ព្រមទាំងកាត់បន្ថយអាហារចៀន អាហារដែលមានជាតិស្ករខ្ពស់ និងញ៉ាំទឹកឲ្យបានគ្រប់គ្រាន់ ទើបជាការប្រសើរ៕
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ