ប្រេងសាំងឡើងថ្លៃ ៤៥០០រៀល ខណៈម៉ាស៊ូតឡើង ៥៦៥០រៀល ក្នុង១លីត្រ

នៅក្នុងសប្តាហ៍នេះ ប្រេងសាំងធម្មតា​បានឡើងថ្លៃ ១០០រៀល ពោលគឺ ៤៥០០រៀល ក្នុងមួយលីត្រ ចំណែកប្រេង​ម៉ាស៊ូតចុះថ្លៃ ៥០រៀល ឡើង ៤៦៥០រៀល ដោយអនុវត្តចាប់ពីថ្ងៃនេះ រហូតដល់ថ្ងៃទី ១០ ខែ កុម្ភៈ ឆ្នាំ ២០២៣។ នេះបើតាមសេចក្តីប្រកាសព័ត៌មានរបស់ក្រសួងពាណិជ្ជកម្មនៅថ្ងៃនេះ។

អ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ បានប្រាប់កម្ពុជាថ្មី នាពេលកន្លងមកថា បច្ចុប្បន្ន​នេះប្រេងឥន្ធនៈដែលកម្ពុជាប្រើប្រាស់ គឺបាននាំចូលពីប្រទេសសិង្ហបុរី ថៃ និងវៀតណាម។ ក្រុមហ៊ុនលក់រាយនៅកម្ពុជា ដែលនាំចូលប្រេងឥន្ធនៈ មានដូចជា ក្រុមហ៊ុនតេលា សូគីម៉ិច ប៉ាប៉ា សាវីម៉ិច លឹមឡុង និងក្រុមហ៊ុនមួយចំនួនទៀត។ ចំណែកក្រុមហ៊ុនបរទេស ដែលនាំចូលប្រេងឥន្ធនៈមកស្រុកខ្មែរ រួមមាន ក្រុមហ៊ុនតូតាល់ កាល់តិច និងក្រុមហ៊ុនភីធីធី។

សូមបញ្ជាក់ថា កាលពីសប្តាហ៍មុន ប្រេងសាំងធម្មតាមានតម្លៃ ៤៤០០រៀល និងប្រេងម៉ាស៊ូតមានតម្លៃ ៤៦០០ ក្នុងមួយលីត្រ។

សូមបញ្ជាក់ថា ក្រសួងពាណិជ្ជកម្ម បានចេញតម្លៃលក់រាយរៀងរាល់ ១០ថ្ងៃម្តង ដើម្បីឆ្លើយតបឱ្យទាន់និន្នាការនៃការប្រែ​ប្រួលថ្លៃប្រេងឥន្ធនៈនៅលើសកលលោក៕