សន្តិសុខសង្គម
អភិបាលក្រុងសំរោងចុះអប់រំណែនាំឡានដឹកដី ក្រោយពលរដ្ឋត្អូញត្អែររឿងឡានដឹកដីជ្រុះដីពេញផ្លូវ
ឧត្តរមានជ័យ ៖ ក្រោយពីមានការលើកឡើងនិងត្អូញត្អែរពីបងប្អូនប្រជាពលរដ្ឋចំពោះបញ្ហារឿងក្រុមហ៊ុនឡានដឹកដីបើកដឹកដីចេញពីក្នុងភូមិចូលបើកកាត់នៅលើផ្លូវជាតិតាមទីប្រជុំជន ជ្រុះដីរប៉ាត់រប៉ាយអភិបាលក្រុងសំរោងបានយកឡានទឹក មកបាញ់លាងសំអាត។
នៅរសៀលថ្ងៃទី១ ខែមករាឆ្នាំ២០២៣នេះអភិបាលក្រុងសំរោងបានដឹកនាំមន្ត្រី ក្រោមឱវាទ យកឡានទឹក បាញ់លាងសំអាតថ្នល់ជាតិ នៅក្នុងក្រុង សំរោងដើម្បី បោសសម្អាតដីដែលក្រុមហ៊ុនឡានដឹកដីដឹកពីតាមភូមិចូលមកឆ្លងកាត់ក្រុងជ្រុះដីពេញផ្លូវជាតិ ធ្វើឲ្យដីប្រឡាក់ពេញផ្លូវហើយ មួយវិញទៀត ធ្វើឲ្យប៉ះពាល់ដល់សុខភាពការរស់នៅរបស់ប្រជាពលរដ្ឋរស់នៅតាមដងផ្លូវជាហូរហែណាមួយធ្វើឲ្យខូចនូវសោភណ្ឌភាពទីក្រុងស្អាតផងដែរ។
ជាក់ស្តែង នៅព្រឹកថ្ងៃទី១ ខែមករាឆ្នាំ២០២៣នេះ លោកផុនចាន់និល អភិបាលក្រុងសំរោងបានចុះដល់ទីតាំងកន្លែងជីករណ្តៅដីរបស់ក្រុមហ៊ុននិងបានណែនាំទៅដល់ម្ចាស់អេស្ការដែលកាយរណ្ដៅដីដែលក្រុមឡានរបស់ពួកដឹកដីឆ្លងកាត់តាមភូមិហើយដឹកឆ្លងទៅផ្លូវជាតិត្រូវតែចូលរួមគោរពច្បាប់ជាធរមាន។
លោកអភិបាលក្រុងសំរោងបានបន្តថា ចំពោះក្រុមហ៊ុនទាំងឡាយណាដែលនៅតែប្រព្រឹត្តល្មើសមិនគោរពតាមច្បាប់ ការដឹកជញ្ជូនដីពីតាមរណ្តៅដីឆ្លងកាត់នៅលើផ្លូវក្នុងភូមិគឺតម្រូវឲ្យ មានការស្រោចទឹកជាប្រចាំថ្ងៃចៀសវាង ធ្វើប៉ះពាល់ទៅដល់សុខភាពប្រជាពលរដ្ឋរស់នៅតាមភូមិជាពិសេសត្រូវណែនាំដល់តាកុងឡានពេលបើកដឹកដីនៅក្នុងភូមិត្រូវតែចាក់រឺស្រោចទឹកហើយនិងមួយទៀតសូមឲ្យបើកបរល្បឿនយឺតៗមិនអនុញ្ញាតឲ្យបើកលឿននៅតាមភូមិនីមួយៗបន្តទៅទៀតនោះទេ។
លោកអភិបាលក្រុងសំរោងដដែលបានអះអាងបន្តថា ចំពោះការលើកឡើងរបស់ប្រជាពលរដ្ឋដែលលើកឡើងថា ក្រុមហ៊ុនឡានដឹកដីបានដឹកឆ្លងកាត់ភូមិរបស់ពួកគាត់ហើយហ៊ុយដីមិនមានការស្រោចទឹកនោះនិងមួយវិញទៀតជ្រុះរប៉ាត់រប៉ាយនៅលើផ្លូវជាតិដូច្នេះក្នុងនាមរដ្ឋបាលក្រុង ត្រូវអនុវត្តភ្លាមៗតាមសំណូមពររបស់ប្រជាពលរដ្ឋឲ្យបានទាន់ពេលវេលាតាមភាពជាក់ស្តែង។
ជាមួយគ្នានេះដែរលោកអភិបាលក្រុងសំរោងនៅរសៀលថ្ងៃដដែលក៏បានយកឡានទឹកបាញ់សំអាតផ្លូវជុំវិញបរិវេណរង្វង់មូលជ័យវរ្ម័នទីប្រាំពីរដើម្បី បោសសម្អាតដីដែលជាប់នៅលើផ្លូវឲ្យបានស្អាត មានសោភ័ណភាពល្អទីក្រុងល្អស្អាត ហើយមួយវិញទៀតលោកអភិបាលក្រុងសំរោងនៅតែបន្តមានវិធានការចំពោះក្រុមហ៊ុនឡានដឹកជញ្ជូនដីនៅក្នុងក្រុងសំរោងទាំងអស់បើនៅតែ ដឹកដីបំពានល្មើសច្បាប់ ដឹកដីពីតាមភូមិហើយនឹងដឹកឆ្លងថ្នល់ជាតិមិនគ្របធ្លាក់ដីពេញផ្លូវបែបនេះតទៅទៀតលោកនឹងត្រូវអនុវត្ត ទៅតាមនីតិវិធីច្បាប់មិនលើកលែង ជាដាច់ខាត៕
ដោយ ៖ ចាន់ ធី
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ