កីឡា
មិនធម្មតា! ក្រុម Al Hilal អារ៉ាប៊ីសាអូឌីត ឡើងដល់វគ្គផ្ដាច់ព្រ័ត្រ FIFA Club World Cup ក្រោយយកឈ្នះ Flamengo ៣-២
ក្រុមរបស់អារ៉ាប៊ីសាអូឌីត Al Hilal បានឈានដល់វគ្គផ្ដាច់ព្រ័ត្រពានក្លិបបាល់ទាត់ពិភពលោក (FIFA Club World Cup) កាលពីយប់មិញ ដោយបានយកឈ្នះក្រុមរបស់ប្រេស៊ីល Flamengo ក្នុងលទ្ធផល ៣-២។
ការស៊ុតបាល់ប៉េណាល់ទីរបស់ កីឡាករ Salem Aldawsari បាននាំមុខមុនដល់ក្រុមអារ៉ាប៊ីសាអូឌីត នៅនាទី ៤ នាកីឡដ្ឋាន Ibn Batouta ក្នុងទីក្រុង Tangier ប្រទេសម៉ារ៉ុក។ យ៉ាងណាមិញ ខ្សែប្រយុទ្ធ Flamengo Pedro បានតាមស្មើវិញនៅនាទី ២០។
ជាថ្មីម្ដងទៀត Al Hilal ត្រូវបានផ្តល់ដោយអាជ្ញាកណ្ដាលវីដេអូ (VAR) ដែលផ្តល់បាល់ប៉េណាល់ទី ខណៈកីឡាករកូប្រកួត Gerson Santos da Silva របស់ Flamengo ត្រូវបានបណ្ដេញចេញជាមួយនឹងកាតលឿងទីពីរនៅនាទី ៤៥+៨។ Aldawsari ស៊ុតបាល់ប៉េណាល់ទីមួយគ្រាប់ទៀតនៅនាទី ៤៥+៤ ហើយតង់ទីមួយបានបញ្ចប់ក្នុងលទ្ធផល ២-១។
ខ្សែប្រយុទ្ធអាហ្សង់ទីន Luciano Vietto រកបាន ៣-១ ឲ្យ Al Hilal នៅនាទី ៧០ ហើយបន្ទាប់មក Pedro រកបានមួយគ្រាប់វិញសម្រាប់ក្រុមប្រេស៊ីលនៅនាទី ៩១+១ ដែលយឺតពេលទៅហើយ។
ការប្រកួតបានបញ្ចប់ក្នុងលទ្ធផល ៣-២ ហើយ Al Hilal បានឈានទៅដល់វគ្គផ្ដាច់ព្រ័ត្រ FIFA Club World Cup ជាលើកដំបូង។
នៅថ្ងៃសៅរ៍ Al Hilal នឹងទទួលអ្នកឈ្នះ នៃការប្រកួតរវាង Al Ahli ជាមួយ Real Madrid ដែលនឹងធ្វើឡើងនៅយប់ថ្ងៃពុធ ចូលថ្ងៃព្រហស្បតិ៍នេះ។
FIFA Club World Cup ដែលត្រូវបានប្រកួតលើកដំបូងក្នុងឆ្នាំ ២០០០ ក្នុងនាមជា FIFA Club World Championship គឺជាការប្រកួតបាល់ទាត់សមាគមបុរសអន្តរជាតិ ដែលរៀបចំដោយសហព័ន្ធបាល់ទាត់សមាគមអន្តរជាតិ (FIFA)។
ការប្រកួត Club World Cup មានអ្នកឈ្នះនៃសហព័ន្ធទ្វីបចំនួន ៦ រួមទាំងការការពារតំណែងជើងឯក UEFA Champions League (Real Madrid) និងម្ចាស់ជើងឯករបស់ប្រទេសម្ចាស់ផ្ទះ។
Real Madrid បានលេងពាន Club World Cup ៦ លើក ដោយឈ្នះពាន ៤ ដង ក្នុងឆ្នាំ ២០១៤, ២០១៦, ២០១៧ និង ២០១៨៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ