បាត់មុខឈប់សម្ដែង តាមពិតតួសិចស៊ី Shu Qi មានជំងឺអាឡ័កស៊ីធ្ងន់ធ្ងរ

តារាសម្តែងតៃវ៉ាន់ Shu Qi បានចែករំលែកថា នាងបានតស៊ូជាមួយនឹងអាឡ័កស៊ីធ្ងន់ធ្ងរក្នុងរយៈពេលជាច្រើនឆ្នាំមកនេះ នាងតែងតែយកថ្នាំ និងការពារស្បែកពេលចេញក្រៅ ហើយក៏ជាមូលហេតុដែលនាងបាត់មុខពីការសម្ដែងមួយរយៈធំ ។

កាលពីថ្ងៃទី ១១ ខែ កុម្ភៈ កាសែត Sinchew បានរាយការណ៍ថា តារាសម្តែង Shu Qi គឺជាមុខគម្របនៃទស្សនាវដ្តីម៉ូដ Elle នៅខែកុម្ភៈនេះ ក្នុងកិច្ចសម្ភាសន៍នោះ តារាស្រីរូបនេះបានប្រាប់ពីមូលហេតុដែលនាងបាត់មុខពីការសម្ដែង។ Shu Qi បាននិយាយថានាងមានប្រតិកម្មអាឡ័កស៊ីធ្ងន់ធ្ងរ ក្នុងរយៈពេលប៉ុន្មានឆ្នាំចុងក្រោយនេះ នាងតែងតែយកថ្នាំបំបាត់អាឡ័កស៊ី និងការពារស្បែកពេលចេញក្រៅ ជំងឺអាឡ័កស៊ីបានធ្វើឱ្យមុខរបស់នាងឡើងក្រហម ហើម និងធ្វើឱ្យគេងមិនលក់យ៉ាងខ្លាំងដោយសារតែមានការឈឺចាប់ ។

ជាពិសេស Shu Qi បានបន្ថែមឲ្យដឹងទៀតថា ដោយសារតែកើតជំងឺនេះ ទាំងយប់ទាំងថ្ងៃ ធ្វើឲ្យមានការរំខានដល់ជីវិត និងការងាររបស់តារាស្រីរូបនេះ។ ប៉ុន្មានឆ្នាំមកនេះ ដោយសារតែជំងឺអាឡ័កស៊ីកាន់តែធ្ងន់ទៅៗ ទើបនាងមិនហ៊ានទទួល ថតភាពយន្តថ្មីៗទេ ។

ជាមួយគ្នានេះ Shu Qi គឺជាតារាក្នុងបញ្ជី A នៃពិភពកម្សាន្តរបស់ចិន ទោះបីជាអស់រយៈពេលពីរឆ្នាំ មកនេះនាងមិនបានសម្ដែងក្នុងភាពយន្តទេ ក៏ការងារចុងក្រោយដែលនាងក្នុងឆ្នាំ ២០២១ តារាស្រីរូបនេះបានបង្ហាញខ្លួនម្តងម្កាលក្នុងព្រឹត្តិការណ៍ពាណិជ្ជកម្ម កម្មវិធីទូរទស្សន៍ និងការថតរូបម៉ូដ ៕

ប្រែសម្រួល៖នាងតូច

ចុចអាន៖តារាហុងកុង Andy Lau ទម្លាយហេតុផលមិនសម្ដែងនៅហូលីវូដដាច់ខាត