តារាហុងកុង Andy Lau ទម្លាយហេតុផលមិនសម្ដែងនៅហូលីវូដដាច់ខាត

ក្នុងបទសម្ភាសន៍ជាមួយ the Post លោក Andy Lau ជាតារាសម្តែងហុងកុងបាននិយាយថា​ មូលហេតុដែលលោកមិនអាចចូលរួមសម្តែងភាពយន្តផ្សេងៗនៅហូលីវូដ “ខ្ញុំមិនគិតថា ហូលីវូដឱ្យតម្លៃលើទេពកោសល្យសម្តែងរបស់តារាចិនទេ” ។

លោក Andy Lau ជាតារាសម្តែងដ៏ល្បីបំផុតនៅហុងកុងជាយូរមកហើយ លោកបានចាប់ផ្តើមអាជីព របស់លោកទាំងនៅក្នុងទូរទស្សន៍ និងភាពយន្ត ហើយទទួលបានភាពជោគជ័យដំបូងរបស់លោក នៅក្នុងឧស្សាហកម្មភាពយន្តជាមួយ នឹងតួនាទីនៅក្នុងរឿង Boat People ក្នុងឆ្នាំ ១៩៨២ ។

ថ្មីៗនេះ លោកបានចូលរួមក្នុងបទសម្ភាសន៍ជាមួយ the Post តារាសម្តែង Andy Lau បានរំលឹកឡើងវិញនូវអំពីអាជីពរបស់លោក និងឧស្សាហកម្មភាពយន្តហុងកុង។ ក្នុងចំណោមលោកក៏បាននិយាយអំពីមូលហេតុដែលមិនចូលរួមសម្តែងនៅហូលីវូដថា “ខ្ញុំមិនគិតថាហូលីវូដឱ្យតម្លៃលើទេពកោសល្យសម្ដែងរបស់តារាចិននោះទេ ហើយខ្ញុំគិតថាតារាសម្តែង Jet Li និង Chow Yun-fat គួរតែត្រលប់មកហុងកុង និងចិនវិញ ដែលទស្សនិកជនស្រលាញ់ និងគោរពពួកគេច្រើនជាង”។

យ៉ាងណាមិញ លោក Andy Lau ត្រូវបានគេស្គាល់តាមរយៈរឿង “four great kings of Cantopop” ដោយ សារអាជីពសម្តែងនិងច្រៀងរបស់លោកបានបង្ហាញខ្លួននៅក្នុងគ្រប់ប្រភេទនៃខ្សែភាពយន្តចាប់ពីការផ្សាយពាណិជ្ជកម្មដ៏ពេញនិយម រហូតដល់ខ្សែភាពយន្តបែបសកម្មភាព និងភាពយន្តសិល្បៈផងដែរ ៕

ប្រែសម្រួល៖នាងតូច

ចុចអាន៖Liu Yifei បង្ហាញសម្រស់មិនតុបតែង ដើរពេញទឹកដីអាមេរិក