កីឡា
បែកធ្លាយលទ្ធផល Messi ឈ្នះពានរង្វាន់កីឡាករល្អប្រចាំឆ្នាំ ‘FIFA The Best Award 2022’
ការបែកធ្លាយមួយបានរាយការណ៍ថា Lionel Messi ជាអ្នកឈ្នះពានរង្វាន់ FIFA The Best ឆ្នាំ ២០២២ ដែលគ្រោងប្រកាសជាផ្លូវការនៅយប់ថ្ងៃច័ន្ទនេះ។
កាលពីដើមខែ បេក្ខភាព ៣ នាក់ចុងក្រោយ ត្រូវបានបង្ហាញ ហើយគេជឿថា កំពូលតារាអាហ្សង់ទីន នឹងផ្ដួលកីឡាករ Kylian Mbappe និង Karim Benzema ដើម្បីដណ្ដើមយកពានរង្វាន់នេះ។
អ្នកកាសែតអាហ្សង់ទីន Francesc Aguilar បានរាយការណ៍ថា ខ្សែប្រយុទ្ធរបស់ក្លិប Paris Saint-Germain នឹងយកពានរង្វាន់មកផ្ទះវិញ។ លោកបានបន្ថែមថា FIFA កំពុងត្រៀមប្រគល់ពានរង្វាន់នេះដល់ Messi ដើម្បីយកឈ្នះពានរង្វាន់របស់ L’Equipe និង France Football។ ស្ថាប័នទាំង ២ នេះ គឺជាស្ថាប័នដែលទទួលខុសត្រូវចំពោះការតែងតាំង Ballon d’Or ហើយកីឡាករវ័យ ៣៥ ឆ្នាំរូបនេះ មិនបានធ្វើការកាត់នោះទេ។ ខ្សែប្រយុទ្ធ Karim Benzema របស់ក្រុម Real Madrid បានបញ្ចប់ជាអ្នកឈ្នះពានរង្វាន់នោះ។
ការឈ្នះនឹងមានន័យថា Messi នឹងយកពានរង្វាន់ The Best ជាលើកទីពីររបស់ខ្លួនត្រលប់មកផ្ទះវិញ ដោយធ្លាប់ឈ្នះវានៅឆ្នាំ ២០១៩។ រដូវកាលដំបូងរបស់គេជាមួយក្លិបយក្ស Ligue 1 បន្ទាប់ពីចាកចេញពី Barcelona ប៉ុន្តែក្រោមការដឹកនាំរបស់អ្នកចាត់ការថ្មី Christophe Galtier គេបានរកឃើញភាពអស្ចារ្យរបស់ខ្លួនម្ដងទៀត។ កីឡាករវ័យ ៣៥ ឆ្នាំរូបនេះរកបាន ១៦ គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទី (Assist) ១៤ ដង ក្នុងការបង្ហាញខ្លួន ២៧ លើក សម្រាប់ក្រុមរបស់បារាំងមួយនេះ។
Messi ក៏បានឈ្នះ World Cup ដ៏អស្ចារ្យផងដែរ ដែលនាំឲ្យអាហ្សង់ទីនឈ្នះពានជាលើកទី ៣ របស់ពួកគេ។ គេស៊ុតបញ្ចូលទីបាន ៧ គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទី (Assist) ៣ ដង ក្នុងដំណើរឆ្ពោះទៅកាន់ពានរង្វាន់ Golden Ball សម្រាប់កីឡាករល្អបំផុតក្នុងការប្រកួត។
បេក្ខភាពចុងក្រោយផ្សេងទៀត Kylian Mbappe និង Karim Benzema មានរដូវកាលដ៏អស្ចារ្យក្នុងន័យផ្ទាល់ខ្លួនរបស់ពួកគេ។ Mbappe មាន ២៧ គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទី (Assist) ៦ ដង ក្នុងការបង្ហាញខ្លួន ២៨ លើក សម្រាប់ PSG ខណៈពេលស៊ុតបញ្ចូលទីបាន ៨ គ្រាប់ នៅក្នុងយុទ្ធនាការ World Cup ដែលបានធ្វើឲ្យគេទទួលបានពានរង្វាន់ស្បែកជើងមាស។ ម្យ៉ាងវិញទៀត Benzema រកបាន ១៨ គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទី (Assist) ៥ ដង ក្នុងរដូវកាលនេះសម្រាប់ក្រុម Real Madrid៕
ប្រភព ៖ sportskeeda.com
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ