កីឡា

ប្រវត្តិសាស្ត្រថ្មី U20 នារីកម្ពុជា ឈ្នះ U20 នារីម៉ាឡេស៊ី ០-១ ជម្រុះជើងឯកនារីអាស៊ី AFC U20

បានផុស

២ years មុន

នៅ

ថ្ងៃសុក្រ ១០ មីនា ២០២៣

ដោយ

ក្រុមកីឡាការិនីបាល់ទាត់ជម្រើសជាតិកម្ពុជាអាយុក្រោម២០ឆ្នាំ (U20) ទទួលបានជ័យជម្នះដោយលទ្ធផល ០-១ លើក្រុមកីឡាការិនីជម្រើសជាតិម៉ាឡេស៊ីអាយុក្រោម២០ឆ្នាំ (U20) ក្នុងការប្រកួតសន្សំពិន្ទុពូល G វគ្គជម្រុះជុំទី១ ជើងឯក 2024 AFC U-20 Women’s Asian Cup។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតទាំងពីរវគ្គ ក្រុមម្ចាស់ផ្ទះនារីកម្ពុជា និងម៉ាឡេស៊ី មានឱកាសសម្រុកគ្នាទៅវិញទៅមក ហើយមើលទៅបច្ចេកទេសមិនលើសខ្វះគ្នាប៉ុន្មានឡើយ។ នៅវគ្គទី១គ្មានគ្រាប់បាល់កើតឡើងទេ ប៉ុន្តែនៅវគ្គទី២ដល់នាទី៩០+៤ទៅហើយទៅកម្ពុជាបំប៉ោងគ្រាប់បាល់ជយ័ជម្នះ។

១គ្រាប់ដែលនាំឲ្យកម្ពុជាទទួលបានជ័យជម្នះនៅចុងម៉ោងនេះធ្វើបានសម្រេចដោយកីឡាការិនីលេខ១៤ ទុន គឹមហុង។ ជ័យជម្នះនេះបានបង្កើតកំណត់ត្រា និងប្រវត្តិសាស្ត្រថ្មីមួយរបស់ក្រុមកីឡាការិនីបាល់ទាត់ជម្រើសជាតិកម្ពុជាក្នុងកម្រិតអាស៊ី បន្ទាប់ពីបាល់ទាត់នារីត្រូវបានអភិវឌ្ឍឡើងនាប៉ុន្មានឆ្នាំចុងក្រោយ។

សូមបញ្ជាក់ថា ពេលនេះ ក្រុម U20 នារីកម្ពុជាបានបញ្ចប់ភារកិច្ចក្នុងការប្រកួតសន្សំពូល G ហើយ ដោយរកបាន៣ពិន្ទុពីការឈ្នះ១ និងចាញ់១ដែលប្រកួតដំបូងចាញ់ U20 មីយ៉ាន់ម៉ា ដោយលទ្ធផល ២-០។ ក្រុម U20 ម៉ាឡេស៊ី នឹងត្រូវប្រកួតជាមួយ U20 មីយ៉ាន់ម៉ា នៅថ្ងៃទី១២ ខែមីនាដើម្បីរកក្រុម១ឡើងទៅវគ្គបន្ត៕