កីឡា

អបអរសាទរ! Thiago ផ្តួល Craven ទឹកទី២ឈ្នះខ្សែក្រវាត់ WMO លើកទង់ជាតិខ្មែរលើដីអាល្លឺម៉ង់

បានផុស

៣ years មុន

នៅ

ថ្ងៃអាទិត្យ ២ មេសា ២០២៣

ដោយ

អ្នកប្រដាល់ប្រេស៊ីល Thiago Teixeira ដែលប្រកួតតំណាងឲ្យគុនខ្មែរបានផ្តួលកីឡាករអង់គ្លេស Joe Craven ឲ្យសន្លប់ក្នុងទឹកទី២ ដើម្បីឈ្នះខ្សែក្រវាត់មួយថៃពិភពលោក (WMO) ក្នុងកម្មវិធី Apex Fight Series នៅប្រទេសអាល្លឺម៉ង់កាលពីយប់មិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករអង់គ្លេស Joe Craven ដែលពេញកម្លាំងទើបអាយុ២៥ឆ្នាំ និងធ្លាប់ប្រកួតបាន៣៧ដង ក្នុងនោះឈ្នះ៣១ដង និងចាញ់៦ដង ចាប់ផ្តើមទឹកទី១បង្ហាញទម្រង់ប្រកួតគួរឲ្យចាប់អារម្មណ៍តាមរយៈការទាត់ និងឡើងជង្គង់ ស្របពេលកីឡាករគុនខ្មែរ Thiago Teixeira ជនជាតិប្រេស៊ីលចេញកណ្តាប់ដៃមួយៗ និងការពារជំហរបានល្អ។

យ៉ាងណា ចូលទឹកទី២ Thiago ធ្វើបានល្អខ្លាំងមែនទែនដោយប្រើកណ្តាប់ដៃវ៉ៃឲ្យ Joe Craven ដួលនៅដើម និងត្រូវអាជ្ញាកណ្តាលរាប់៨លើកទី១។ បន្ទាប់ពីត្រូវបានអាជ្ញាកណ្តាលរាប់ កីឡាករអង់គ្លេសបានតឹងស្មារតី និងតស៊ូប្រយុទ្ធឡើងវិញបានល្អ ប៉ុន្តែជិតចុងទឹកទី២ត្រូវមួយកែងរបស់កីឡាករប្រេស៊ីល ដួលលើកទី២ ហើយអាជ្ញាកណ្តាលបញ្ឈប់ការប្រកួតតែម្តង។

នេះជាខ្សែក្រវាត់កម្រិតពិភពលោកថ្មីសម្រាប់កីឡាករ Thiago ដែលប្រឡូកជីពប្រដាល់ជិត២០ឆ្នាំមកហើយ ហើយជាខ្សែក្រវាត់ដែលរូបគេប្រកួតតំណាងឲ្យគុនខ្មែរ។ ចាប់តាំងពីរូបគេមកហ្វឹកហាត់នៅកម្ពុជា រូបគេបានបង្ហាញទង់ជាតិខ្មែររហូត និងជាពិសេសបង្ហាញទង់ជាតិខ្មែរឲ្យពិភពលោកបានឃើញនៅលើទឹកដីប្រទេសអាល្លឺម៉ង់ដែលមើលទៅពិតជាអស្ចារ្យ និងគួរឲ្យកោតសរសើរក្រៃលែង៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ Thiago Teixeira

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា