សន្តិសុខសង្គម
ករណីកាប់យុវជន៣ឲ្យរបួសធ្ងន់ស្ទើរស្លាប់នៅស្រុកទ្រាំងជនបង្កនៅមិនទាន់ចាប់បាននៅឡើយទេ
បើទោះបីជនបង្កករណីប្រើហិង្សាមួយត្រូវបានសមត្ថកិច្ចអះអាងថា បានកំណត់មុខសញ្ញាហើយយ៉ាងណាក៏ដោយ តែគឹតមកដល់ថ្ងៃទី១០ ខែមេសា ឆ្នាំ២០២៣នេះ នៅមិនទាន់ចាប់ឃាត់ខ្លួនយកមកផ្តន្ទាទោសបាននៅឡើយទេ ខណៈជនរងគ្រោះកំពុងស្ថិតក្នុងស្ថានភាពធ្ងន់ធ្ងរក្នុងមន្ទីរពេទ្យនៅឡើយ។
សាច់ញាតិជនរងគ្រោះបានបញ្ជាក់បា្រប់កម្ពុជាថ្មីនៅព្រឹកថ្ងៃទី១០ ខែមេសា ឆ្នាំ២០២៣នេះថា នៅយប់ថ្ងៃទី០៨ ខែមេសា ម៉ោង២២និង០០នាទី ក្រោយចប់កម្មវិធីស៊ីការ កូនអ្នកភូមិនៅភូមិឈើទាលបាក់ ឃុំធ្លក់ ស្រុកទ្រាំង ខេត្តតាកែវ ជនរងគ្រោះមានគ្នា៥នាក់ជិះរថយន្តមួយគ្រឿងបានចុះជួយរយ៉ែរថយន្តជនបង្ក តែមិនដឹងជាប៉ះពាល់ពាក្យសម្តីគ្នាយ៉ាងម៉េច បានជាជនបង្កមានគ្នាច្រើននាក់ចុះពីរថយន្ត២គ្រឿង ធ្វើសកម្មភាពកាប់ជនរងគ្រោះបណ្តាលឲ្យរងរបួសធ្ងន់៣នាក់តែម្តង។
ជនរងគ្រោះទាំង៣នាក់ខាងលើមាន ១ឈ្មោះ សំ សុវណ្ណារ៉ា ទី២ឈ្មោះ លី វីរៈ និងទី៣ឈ្មោះ លី ម្នាក់ៗរងរបួសធ្ងន់ ដោយម្នាក់ត្រូវគេចាក់ចំទ្រួង និងម្នាក់ទៀតចាក់ធ្លាយពោះវៀន និងត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗផងដែរ។
ក្រោយធ្វើសកម្មភាពរួចជនបង្កបាននាំគ្នាឡើងជិះរថយន្តមួយគ្រឿងចេញបាត់ ដោយបន្សល់ទុករថយន្តកាមេរីហាយព្រីតមួយគ្រឿ ដែលមានស្លាក់លេខ ភ្នំពេញ 2AV.7891 នៅកន្លែងកើតហេតុ។ សាច់ញាតិជនរងគ្រោះក្រោយកើតហេតុបានដាក់ពាក្យបណ្តឹងទៅសមត្ថកិច្ចជំនាញនៃអធិការដ្ឋាននគរបាលស្រុកទ្រាំងរួចរាល់អស់ហើយ និងបានសំណូមពរមានវិធានការចាប់ជនបង្កឲ្យខានតែបានផង។
ជុំវិញករណីខាងលើ លោក ប៉ិច វណ្ណា អធិការរងនគរបាលស្រុកទ្រាំង ទទួលផែនព្រហ្មទណ្ឌបានស្រាយបញ្ជាក់នៅព្រឹកថ្ងៃទី១០មេសានេះថា លោកកំពុងធ្វើការលើរឿងនេះ និងបានកំណត់មុខសញ្ញារួចរាល់អស់ហើយ៕
អត្ថបទ៖ វីរៈ
-
ព័ត៌មានជាតិ៤ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៥ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ១ សប្តាហ៍ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានជាតិ៤ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ជីវិតកម្សាន្ដ២១ ម៉ោង ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានអន្ដរជាតិ៥ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ជីវិតកម្សាន្ដ៧ ថ្ងៃ ago
តារាថៃ Bella បញ្ចាក់ទំនាក់ទំនងជាមួយកូនថៅកែ CP Group
-
ព័ត៌មានជាតិ៤ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?