តារាសម្តែង Emma Laird រងការរិះគន់ថា ជាជនទីបីក្នុងទំនាក់ទំនងរបស់ Taylor និង Joe

តារាសម្តែងស្រី Emma Laird ទទួលរងការរិះគន់ថាជាជនទីបីពីសំណាក់អ្នកគាំទ្រ Taylor Swift បន្ទាប់ពីរនាងបានបង្ហោះរូបជាមួយតារាសម្តែង Joe Alwyn ដែលជាអតីតមិត្តប្រុសរបស់តារាចម្រៀងរូបនេះ ។

ថ្មីៗនេះ តារាសម្តែងស្រី Emma Laird បានបង្ហោះរូបថតជាច្រើនសន្លឹកបង្ហាញពីជីវិតរបស់នាង ដោយរូបថតទាំងនោះក៏រួមបញ្ចូលទាំងរូបថតរបស់តារាសម្ដែង Joe Alwyn ដែលជាអតីតគូស្នេហ៍របស់ Taylor Swift។ មួយសន្ទុះក្រោយមក តារាសម្តែងស្រីសញ្ជាតិអង់គ្លេសរូបនេះ រងការរិះគន់យ៉ាងចាស់ដៃ ពីអ្នកគាំទ្រ Taylor Swift ភ្លាមៗ ក្រោមមូលហេតុគឺដោយសារតែអ្នកគាំទ្រគិតថា Emma គឺជា “មនុស្សទីបី” នៅក្នុងទំនាក់ទំនងរបស់ Taylor និង Joe ។

ភ្លាមៗ ក្រោយមានរងការរិះគន់ពីអ្នកគាំទ្រ Taylor Swift នាងបានបង្ខំបិទមុខងារបញ្ចេញមតិលើការបង្ហោះ ហើយនាងនៅតែមិនបាននិយាយអំពីបញ្ហានេះ។ ទោះជាយ៉ាងណាក៏ដោយ ការពិតទៅ Emma Laird និង Joe Alwyn គឺជាតួសម្តែងក្នុងរឿង The Brualist ។ អ្នកទាំងពីរមានកាលវិភាគថត រឿងនៅប្រទេសហុងគ្រីកាលពីខែមីនាកន្លងទៅ ការដែលតារាស្រីរូបនេះបង្ហោះរូប Joe ពិតជាគ្រាន់តែជាសកម្មភាពមួយចំនួនក្នុងអាជីពរបស់នាងតែប៉ុណ្ណោះ ។

ជាមួយគ្នានេះ យោងទៅតាមគេហទំព័រ People បានចុះផ្សាយពីមូលហេតុចម្បងនៃការបែកបាក់ស្នេហារបស់ Taylor Swift ត្រូវបានគេជឿថាអ្នកទាំងពីមានភាពខុសគ្នាពីបុគ្គលិកលក្ខណៈ។ ជាពិសេសប្រជាប្រិយភាព របស់តារាចម្រៀងរូបនេះ ក៏ជាផ្នែកមួយផងដែរ ដែលធ្វើឲ្យ Joe Alwyn រងសម្ពាធ ៕

ប្រែសម្រួល៖នាងតូច

ចុចអាន៖Kim Kardashian នឹងចូលរួមកម្មវិធី Met Gala 2023 ទោះបីជាគ្មានការអញ្ជើញនាងក៏ដោយ