នយោបាយ
គណបក្សចំនួន ៣ បានចុះបញ្ជីគណបក្ស និងបញ្ជីបេក្ខជនឈរឈ្មោះបោះឆ្នោត នាថ្ងៃទី ២៤ មេសានេះ
នៅព្រឹកថ្ងៃទី ២៤ ខែមេសានេះ មានគណបក្សនយោបាយចំនួន ៣ បានចុះបញ្ជីគណបក្ស និងចុះបញ្ជីបេក្ខជនឈរឈ្មោះបោះឆ្នោត ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី ៧ ឆ្នាំ ២០២៣។
គណបក្សដែលបានចុះបញ្ជីរួចរាល់ នៅគណៈកម្មាធិការជាតិរៀបចំការបោះឆ្នោត (គ.ជ.ប) នៅព្រឹកថ្ងៃចន្ទនេះ ដែលជាថ្ងៃទី ១ នៃការទទួលចុះបញ្ជីគណបក្សនយោបាយ ក្នុងការបោះឆ្នោតជ្រើសតាំងតំណាងរាស្ត្រ នីតីកាលទី ៧ ឆ្នាំ ២០២៣ រួមមាន៖ គណបក្សប្រជាជនកម្ពុជា គណបក្សយុវជនកម្ពុជា និងគណបក្សខ្មែររួបរួមជាតិ។
បើតាមលោក អ៊ុក គឹមហាន អនុប្រធានខុទ្ទកាល័យ និងជាតំណាងគណបក្សប្រជាជនកម្ពុជា បានថ្លែងថា ការចុះបញ្ជីគណបក្ស និងបញ្ជីបេក្ខជនឈរឈ្មោះបោះឆ្នោតរបស់គណបក្សប្រជាជនកម្ពុជា នៅថ្ងៃនេះ គឺមានដំណើរការល្អប្រសើរ និងមិនមានការខុសឆ្គងឯកសារណាមួយឡើយ ក្រោមការត្រួតពិនិត្យយ៉ាងល្អិតល្អន់របស់គ.ជ.ប។ លោក អ៊ុក គឹមហាន បានបញ្ជាក់ឲ្យដឹងថា គណបក្សប្រជាជនកម្ពុជា បានដាក់បញ្ជីបេក្ខជនឈរឈ្មោះនៅ ២៥រាជធានី-ខេត្ត ដែលក្នុងនោះ បេក្ខជនឈរឈ្មោះពេញសិទ្ធិចំនួន ១២៥រូប និងបេក្ខជនបម្រុងចំនួន ១៤៩រូប ខណៈបេក្ខជនជាស្រ្តីមានចំនួន ៥៤រូប។
ចំណែក លោក ជា សារ៉ាក់ តំណាងគណបក្សយុវជនកម្ពុជា បានបញ្ជាក់ថា គណបក្សយុវជនកម្ពុជា បានបញ្ជូនលិខិតស្នាមផ្សេងៗ និងបញ្ជីបេក្ខជនឈរឈ្មោះបោះឆ្នោតនៅ ២៥រាជធានី-ខេត្តទៅ គ.ជ.ប ដោយជោគជ័យហើយ ដែលស្របទៅតាមនីតិវិធីរបស់គ.ជ.ប។ បើតាមលោក ជា សារ៉ាក់ គឺគណបក្សយុវជនកម្ពុជា បានដាក់បេក្ខជនសរុបចំនួន ២៦៦រូប ក្នុងនោះ បេក្ខជនពេញសិទ្ធិចំនួន ១២៥រូប និងបេក្ខជនបម្រុងចំនួន ១៤១រូប ខណៈលោក ពេជ្រ ស្រស់ ប្រធានគណបក្សនេះ ឈរឈ្មោះជាបេក្ខជននៅមណ្ឌលខេត្តកំពង់ចាម។
ដោយឡែក គណបក្សខ្មែររួបរួមជាតិ ដែលមានលោក ញឹក ប៊ុនឆៃ ជាប្រធានគណបក្ស ក៏បានសម្រេចចុះបញ្ជីគណបក្ស និងបញ្ជីបេក្ខជនឈរឈ្មោះ សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី ៧ រួចរាល់ហើយផងដែរ។
គួរជម្រាបថា ចាប់ពីថ្ងៃទី ២៤ ខែមេសា ដល់ថ្ងៃទី ៨ ខែឧសភា ឆ្នាំ ២០២៣ គណៈកម្មាធិការជាតិរៀបចំការបោះឆ្នោត បាន បើកទទួលការចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះការបោះឆ្នោតជ្រើសតាំងតំណាងរាស្ត្រ នីតិកាលទី ៧ ឆ្នាំ ២០២៣៕
ដោយ៖ ធឿន វ៉ាន់សុង
-
ព័ត៌មានជាតិ៥ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
សន្តិសុខសង្គម១ សប្តាហ៍ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
ព័ត៌មានជាតិ៦ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានជាតិ១ សប្តាហ៍ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក
-
សន្តិសុខសង្គម១ សប្តាហ៍ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត
-
សន្តិសុខសង្គម៦ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង
-
ព័ត៌មានអន្ដរជាតិ៧ ថ្ងៃ ago
អតីតអ្នកនាំពាក្យក្រសួងការបរទេសចិន នឹងកាន់តំណែងជាឯកអគ្គរដ្ឋទូតចិនប្រចាំកម្ពុជា
-
ព័ត៌មានអន្ដរជាតិ៧ ថ្ងៃ ago
មហាសេដ្ឋីឥណ្ឌា Ambani ធ្លាក់តំណែងជាអ្នកមានបំផុតនៅអាស៊ី ក្រោយ Adani វ៉ាដាច់ភឹង