កីឡា
ព្រឹកនេះ យុវតីស្ម័គ្រចិត្តបាត់ម៉ូតូ ផុន រ៉ាស៊ី ទទួលបានប្រាក់ឧបត្ថម្ភពីសម្តេចតេជោ
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានឧបត្ថម្ភថវិកាចំនួន៣០០០ដុល្លារអាមេរិកកញ្ញា ផុន រ៉ាស៊ី ដែលបាត់ម៉ូតូ១គ្រឿងក្នុងពេលបំពេញការងារស្ម័គ្រចិត្តក្នុងព្រឹត្តិការណ៍កីឡាស៊ីហ្គេម លើកទី៣២កន្លងទៅថ្មីនេះ។
កញ្ញា ផុន រ៉ាស៊ី ដែលជាយុវតីស្ម័គ្រចិត្តក្នុងព្រឹត្តិការណ៍កីឡាស៊ីហ្គេម បានបាត់ម៉ូតូ Honda Dream ពណ៌ខ្មៅ១គ្រឿងនៅពេលកំពុងបំពេញការងារស្ម័គ្រចិត្តនៅទីលាន AZ Group Cricket Oval (ផ្លូវ៦០ម៉ែត្រ)ដែលជាកន្លែងប្រកួតកីឡាគ្រីឃីត កាលពីថ្ងៃទី១១ ខែឧសភា ឆ្នាំ២០២៣។
បន្ទាប់ពីបាត់ម៉ូតូរបស់ខ្លួន កញ្ញា ផុន រ៉ាស៊ី បានប្រកាសតាមបណ្តាញទំនាក់ទំនងសង្គមដើម្បីស្វែងរកម៉ូតូរបស់ខ្លួនមកវិញដើម្បីប្រើប្រាស់។ ទោះបីជាយ៉ាងណា គ្មានដំណឹងពីម៉ូតូរបស់ខ្លួនឡើយ។
កាលពីល្ងាចថ្ងៃទី១៩ ខែឧសភានេះ តាមរយៈបណ្តាញ Telegram សម្តេចតេជោ ហ៊ុន សែន បានបញ្ជាក់ថា ៖«ល្ងាចនេះ [ថ្ងៃទី១៩ ឧសភា] តាបានឃើញតាមបណ្តាញសង្គមអំពីចៅស្រី ផុន រ៉ាស៊ី ដែលជាយុវជនស្ម័គ្រចិត្តមកចូលរួមជួយបម្រើ ដល់ការប្រកួតស៊ីហ្គេមហើយបាត់ម៉ូតូ។ តាសុំជួយ 3,000$ សម្រាប់ទិញម៉ូតូមកប្រើប្រាស់វិញ។ សូមចៅទាក់ទងជាមួយលោក សេង ទៀង តាមទូរសព្វ័លេខ 012 961971 ដើម្បីទទួលយកថវិកា»។
បន្ទាប់មក នៅព្រឹកថ្ងៃទី២០ ខែឧសភានេះ កញ្ញា ផុន រ៉ាស៊ី បានប្រកាសថា ៖«នាងខ្ញុំបានទទួលថវិកាដែលសម្ដេចពុកបានជួយរួចហើយ តាមរយ:លោកពូសេង ទៀង។ នាងខ្ញុំសូមអរគុណសម្ដេចពុក និងជូនពរឲ្យសម្ដេចពុក និងក្រុមគ្រួសារមានសុខភាពល្អ អាយុយ៉ឺនយូរ មានសុវត្ថិភាពរាល់ការធ្វើដំណើរ និងជោគជ័យគ្រប់ភារកិច្ច។ នាងខ្ញុំសូមអរគុណ»៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង