កីឡា
ខាន់ ចេសា ប្រហែលជាមិនអាចចូលរួមប្រកួតស៊ីហ្គេម ឆ្នាំ២០២៥ នៅថៃ
នៅពេលទទួលដំណឹងពីម្ចាស់ផ្ទះថៃដាក់កីឡា ជឺជីតស៊ូ ចូលក្នុងកីឡាស៊ីហ្គេម លើកទី៣៣ ឆ្នាំ២០២៥ គឺពិតជាគួរឲ្យរីករាយសម្រាប់កម្ពុជា ដោយសារកីឡាជឺជីតស៊ូមានសក្តានុពលសម្រាប់ការស្វែងរកមេដាយ។
ក្នុងចំណោមកីឡាករ កីឡាការិនីជឺជីតស៊ូជម្រើសជាតិកម្ពុជា ខាន់ ចេសា គឺជាកម្លាំងស្នូលសម្រាប់កីឡាជឺជីតស៊ូក្នុងស្វែងរកមេដាយ ប៉ុន្តែតាមដំណឹងចុងក្រោយ កីឡាការិនីរូបនេះទំនងជាមិនអាចចូលរួមប្រកួតកីឡាស៊ីហ្គេម នៅឆ្នាំ២០២៥ បានទេ។ មូលហេតុដោយសារតែកីឡាការិនីរូបនេះបានរៀបការរួច ដូច្នេះជាប់បំពេញភារកិច្ចជាមួយក្រុមគ្រួសារ។
ខាន់ ចេសា មិនបានប្រកួតណាមួយឡើយ ចាប់តាំងពីបានប្រកួតជាមួយកីឡាការិនីអាមេរិក Danielle Kelly កាលពីថ្ងៃទី៣០ ខែកញ្ញា ឆ្នាំ២០២៣ នៅប្រទេសសិង្ហបុរីនៅស្ថាប័នប្រដាល់គុនចម្រុះ ONE Championship។
កាលពីខែសីហា ឆ្នាំ២០២៤ ខាន់ ចេសា បានរៀបការជាមួយលោក Zach Kaina ដែលជាដៃគូរបស់នាងតាំងពីកុមារី។ លោក Zach Kaina ក៏ជាកីឡាករជឺជីតស៊ូដែលមានសមត្ថភាពកម្រិតអន្តរជាតិ។
សូមបញ្ជាក់ថា ខាន់ ចេសា បាននាំមេដាយចំនួន៤គ្រឿងជូនជាតិកម្ពុជាគឺ មេដាយមាស១គ្រឿង កីឡាទ្វីបអាស៊ី ឆ្នាំ២០១៨, មេដាយមាស២គ្រឿងពីកីឡាស៊ីហ្គេម ឆ្នាំ២០១៩ និងឆ្នាំ២០២៣ ព្រមទាំងមេដាយប្រាក់ កីឡាស៊ីហ្គេម ឆ្នាំ២០២៣៕
អត្ថបទ៖ វីរបុត្រ
-
ព័ត៌មានអន្ដរជាតិ៧ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច១៦ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
កីឡា៧ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ១ សប្តាហ៍ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២១ ម៉ោង agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi