ទស្សនិកជនថៃរិះគន់ Pu Praya រឿងស្លៀកពាក់ដើរលើកម្រាលព្រំ Cannes

តារាសម្ដែង Pu Praya ជាតារាស្រីថៃម្នាក់ដែលមានឱកាសដើរលើកម្រាលព្រំក្រហមនៃមហោស្រពភាពយន្តទីក្រុង Cannes លើកទី៧៦ នៅឯប្រទេសបារាំង។ បង្ហាញខ្លួនជាមួយនឹងរ៉ូបវែងដ៏ស្រស់ស្អាត តារាស្រីវ័យ ៣៤ឆ្នាំរូបនេះ បែរមិនទទួលបានការស្រឡាញ់ចូលចិត្តពីប្រជាជនខ្លួន ខណៈមហាជនថៃមួយចំនួនបានរិះគន់នាងថា រូបរាងស្អាតដែរតែមិនចេះស្លៀកពាក់ឱ្យសមដងខ្លួន។

បន្ទាប់ពីទទួលបាននូវមតិរិះគន់ហាក់ជាន់ពន្លិច Pu Praya បានចេញមុខបកស្រាយអំពីរឿងនេះ ដោយនាងធ្វើការ​បង្ហោះ​សារ​មួយ ឆ្លើយតបអ្នកពូកែទើសនាងម៉ាឆ្ងាញ់តែម្ដង។ តាមរយៈសារបង្ហោះនាងសរសេរថា ហេតុអីត្រូវបង្ខំអ្នកដទៃឱ្យធ្វើអ្វីដែលខ្លួនយើងពេញចិត្ត ទាំងដែលគេពេញចិត្តនឹងខ្លួនគេទៅហើយ។ គ្រប់គ្នា​គួរ​ឈប់​វាយតម្លៃ រិះគន់រាង​កាយ ឬស្ទីលរបស់អ្នកដទៃ ហើយ​ផ្ដោត​លើ​ភាព​វិជ្ជមាន​​ដែលខ្លួនកំពុងមានវិញ។

នៅ​ក្រោម​ការ​បង្ហោះរបស់ ​ Pu Praya ប្រិយមិត្តរបស់នាងបាននាំគ្នាសម្ដែងការគាំទ្រយ៉ាងច្រើនកុះករ និងលើកទឹកចិត្តនាងឱ្យបន្តធ្វើអ្វីដែលនាងចូលចិត្ត កុំខ្វល់នឹងមតិរិះគន់ខ្លាំងពេក៕

ប្រែសម្រួល៖ សន្យា

ចុចអាន៖ ឈុតទី១៣របស់ ហ្វាន់ ពីងពីង លើកម្រាលព្រំក្រហម Cannes ទស្សនិកជននៅតែសរសើរថាលេចធ្លោ

ចុចអាន៖ Kimberly តារាស្រីថៃម្នាក់គត់ ចូលរួមសម្ពោធគ្រឿងអលង្ការលំដាប់ពិភពលោក នៅអ៊ីតាលី