Kimberly តារាស្រីថៃម្នាក់គត់ ចូលរួមសម្ពោធគ្រឿងអលង្ការលំដាប់ពិភពលោក នៅអ៊ីតាលី

ទោះបីជាពេលាមង្គលការខិតកាន់តែកៀកយ៉ាងណាក្ដី តារាសម្ដែង Kimmy Kimberly នៅតែមិនសម្រន់ដៃពីការងារ សម្រាប់ថែទាំខ្លួនទាល់តែសោះ ដោយពេលថ្មីៗនេះនាងបានហោះទៅដល់ទឹកដីអ៊ីតាលី ដើម្បីចូលរួមព្រឹត្តិការណ៍សម្ពោធគ្រឿងអលង្ការយីហោអន្តរជាតិមួយ។

នៅថ្ងៃទី២៥ ខែឧសភា ឆ្នាំ២០២៣ តារាសម្ដែង និងបង្ហាញម៉ូដ Kimmy Kimberly ​បានធ្វើ​ដំណើរ​ទៅ​ចូលរួម​ក្នុង​កម្មវិធី​សម្ពោធ​គ្រឿង​អលង្ការ LE VOYAGE RECOMMENCÉ  ក្នុង​នាម​តារាកិត្តិយសតំណាងគ្រឿងអលង្ការម៉ាក Cartier ​ទៅ​ទីក្រុង Florence ប្រទេសអ៊ីតាលី ។

បង្ហោះរូបពីប្រទេសអ៊ីតាលីមក Kimberly បានបង្ហាញរូបរាងយ៉ាងស្រស់ស្អាតទាក់ទាញ ប្រៀបបាននឹងព្រះនាងពិតៗ ស្របពេលដែលអនាគតកូនក្រមុំរូបនេះបានក្លាយជាតារាស្រីតំណាង​ប្រទេស​ថៃតែម្នាក់គត់ និងដំបូងគេ ដែលលេចមុខលើឆាកអន្តរជាតិ ក្នុងកម្មវិធីបង្ហាញអលង្ការដ៏ធំលំដាប់ពិភពលោក៕

ប្រែសម្រួល៖ សន្យា

ចុចអាន៖ Yaya លែងខ្លួនពេញបណ្ដាញសង្គម ហាក់មិនក្រែងចិត្តមិត្តប្រុស