កីឡា
ម៉ោង១ថ្ងៃនេះ ក្រុមបាល់បោះរទេះនារីកម្ពុជាប៉ះថៃ ដណ្តើមមេដាយមាស
ក្រុមកីឡាការិនីបាល់បោះរទេះពិការកម្ពុជានឹងប្រកួតជាមួយក្រុមនារីថៃ សម្រាប់វិញ្ញាសា៥ទល់៥ វគ្គផ្តាច់ព្រ័ត្រដណ្តើមមេដាយមាស វេលាម៉ោ១ថ្ងៃនេះនៅសាលដំរីទី២ក្នុងពហុកីឡដ្ឋានជាតិមរតកតេជោនៃព្រឹត្តិការណ៍កីឡាស៊ីហ្គេម លើកទី១២ ឆ្នាំ២០២៣។
មុនឡើងមកដល់វគ្គផ្ដាច់ព័្រត្រនេះ ក្រុមនារីកម្ពុជាបានចាញ់ថៃម្តងហើយក្នុងវគ្គវិលជុំសន្សំពិន្ទុ ហើយការជួបគ្នាវគ្គផ្តាច់ព្រ័ត្រនេះជាឱកាសដែលម្ចាស់ផ្ទះកម្ពុជាត្រូវសងសឹក និងប្រជែងមេដាយមាសថែមទៀត។
វគ្គវិលជុំសន្សំពិន្ទុ៣ប្រកួត ក្រុមនារីកម្ពុជាបានប្រកួតឈ្នះ២ និងចាញ់១ ក្នុងនោះឈ្នះក្រុមនារីឡាវ ៤៨-២៨, ឈ្នះក្រុមនារីហ្វីលីពីន ៤០-២៥ និងចាញ់ក្រុមនារីថៃ ៤៩-៣២។ ចំណែកក្រុមនារីថៃឈ្នះទាំង៣ប្រកួតពោលគឺមិនធ្លាប់ចាញ់សោះនៅវគ្គសន្សំពិន្ទុ។ ក្នុងនោះក្រុមនារីថៃឈ្នះកម្ពុជា៣២-៤៩, ឈ្នះហ្វីលីពីន ៦៥-២៥ និងឈ្នះឡាវ ៧២-២៤។
ក្នុងវគ្គសន្សំពិន្ទុកន្លងទៅមានតែក្រុមនារីកម្ពុជាតែមួយគត់អាចស៊ុតចូលថៃដល់៣២គ្រាប់ ខណៈក្រុមនារីឡាវ និងហ្វីលីពីនស៊ុតចូលថៃបានត្រឹម២៥គ្រាប់ចុះក្រោមប៉ុណ្ណោះ។
នេះជាការជួបគ្នាវគ្គផ្តាច់ព្រ័ត្រលើកទី២សម្រាប់វិញ្ញាសា៥ទល់៥រវាងក្រុមបាល់បោះរទេះនារីកម្ពុជា និងថៃ បន្ទាប់ពីជួបគ្នាវគ្គផ្តាច់ព្រ័ត្រលើកទី១កាលអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូណេស៊ី គឺថៃបានឈ្នះកម្ពុជា៥០-៣៩។
អ្វីគួរឲ្យកត់សំគាល់ក្នុងអាស៊ានប៉ារ៉ាហ្គេម លើកទី១២ ឆ្នាំ២០២៣នេះ ក្រុមបាល់បោះរទេះនារីកម្ពុជាបានឈ្នះថៃនៅវគ្គផ្តាច់ព្រ័ត្រដណ្តើមបានមេដាយមាសលើវិញ្ញាសា៣ទល់៣ ហើយពេលនេះជួបគ្នាវគ្គផ្តាច់ព្រ័ត្រទៀតសម្រាប់វិញ្ញាសា៥ទល់៥។
នៅថ្ងៃនេះផងដែរ ក្រុមនារីឡាវប្រកួតជាមួយនារីហ្វីលីពីនដើម្បីដណ្តើមមេដាយសំរិទ្ធ។
លទ្ធផលការប្រកួតវគ្គសន្សំពិន្ទុ៖
- កម្ពុជា ៣២-៤៩ ថៃ ថ្ងៃទី៤ ខែមុថុនា
- កម្ពុជា ៤៨-២៨ ឡាវ ថ្ងៃទី៥ ខែមិថុនា
- កម្ពុជា ៤០-២៥ ហ្វីលីពីន ថ្ងៃទី៦ ខែមុថុនា
- ថៃ ៦៥-២៥ ហ្វីលីពីន ថ្ងៃទី៥ ខែមិថុនា
- ថៃ ៧២-២៤ ឡាវ ថ្ងៃទី៦ ខែមិថុនា
អត្ថបទ៖ ផា រតនា
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ