កីឡា

កីឡដ្ឋានស្វាយរៀងកាន់តែទំនើប បង្កើនកៅអី កន្លែងអាហារ និងបន្ទប់ VIP

បានផុស

៣ years មុន

នៅ

ថ្ងៃចន្ទ ៣ កក្កដា ២០២៣

ដោយ

ក្លិបបាល់ទាត់ព្រះខ័នរាជស្វាយរៀងបានកំពុងជួសជុលកីឡដ្ឋានរបស់ខ្លួនឲ្យកាន់តែមានកម្រិតស្តង់ដាដែលនឹងរួចរាល់នៅខែសីហា ខាងមុខនេះជាពេលវេលាខេមបូឌានព្រីមៀរលីគរដូវកាលថ្មី២០២៣-២៤ចាប់ផ្តើម។

លោក Christopher Grant អ្នកចាត់ការទូទៅក្លិបព្រះខ័នរាជស្វាយរៀងបានឲ្យដឹងថា កីឡដ្ឋានខេត្តស្វាយរៀងកំពុងត្រូវបានជួសជុល និងកែលំអបន្ថែមទៀតដើម្បីឲ្យកាន់តែមានលក្ខណៈស្តង់ដា។ ក្នុងនោះកន្លែងអង្គុយអ្នកគាំទ្រត្រូវបានបង្កើនដល់៣៧៥០កៅអី និងមានទីកន្លែងអាហារ និងភេសជ្ជៈសម្រាប់អ្នកគាំទ្រ។

លោកបានបន្តថា ជាពិសេសទៀតនោះមានបន្ទប់សម្រាប់ភ្ញៀវកិត្តិយសពិសេស (VIP Boxes) ថ្មី។ ដាំស្មៅធម្មជាតិថ្មី ដាក់ប្រព័ន្ធបាញ់ទឹកថ្មី និងកម្លាំងភ្លើងត្រូវបានបង្កើតរហូតដល់ ១២០០ lux។ ទាំងនេះនឹងធ្វើឲ្យកីឡដ្ឋានខេត្តស្វាយរៀងកាន់តែមានហេដ្ឋារចនាសម្ព័ន្ធស្តង់ដា និងធំទូលាយសម្រាប់អ្នកគាំទ្រ។

តាមការបញ្ជាក់ពីលោក Christopher គឺការជួសជុល និងកែលំអថ្មីនឹងរួចរាល់នៅខែសីហាខាងមុខដែលជាពេលវេលាខេមបូឌានព្រីមៀរលីគរដូវកាលថ្មីចាប់ផ្តើម។

កីឡដ្ឋានខេត្តស្វាយរៀងត្រូវបានកសាង និងបើកជាផ្លូវការកាលពីឆ្នាំ២០១៥ ដែលផ្ទុកអ្នកគាំទ្របានចំនួន២១៥០នាក់ ប៉ុន្តែពេលនេះត្រូវបានរៀបចំឲ្យមានកន្លែងអង្គុយទស្សនាកាន់តែច្រើន និងមានទាំងកន្លែងភេសជ្ជៈ និងអាហារ ជាពិសេសមានបន្ទប់ភ្ញៀវពិសេសថែមទៀត៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ វីរបុត្រ

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា