កីឡា

កីឡាករបាល់ទាត់បងប្អូនបង្កើត៤រូបនេះមានឪពុកម្ដាយជាអ្នកកីឡាបាល់ទាត់អាជីព

បានផុស

២ years មុន

នៅ

ថ្ងៃអង្គារ ១ សីហា ២០២៣

ដោយ

វាជារឿងដ៏កម្រមួយដែលមានកីឡាករបាល់ទាត់បងប្អូនបង្កើត៤រូបមានឪពុកម្តាយជាកីឡាករ កីឡាការិនីបាល់ទាត់អាជីពកាលពួកគាត់នៅក្មេង។ កីឡាករទាំង៤នាក់កំពុងប្រកបអាជីពបាល់ទាត់នៅក្លិបផ្សេងគ្នា៤។

១. កីឡាករ Eden Hazard

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Eden Hazard ជាកូនប្រុសច្បងក្នុងគ្រួសារត្រកូល Hazard។ ខ្សែបម្រើប្រយុទ្ធវ័យ ៣២ សញ្ជាតិ បែលហ្សិក ឆ្នាំរូបនេះជាអតីតកីឡាករឆ្នើមរបស់ក្លិបតោខៀវ Chelsea ដោយបង្ហាញខ្លួន ២៤៥ ប្រកួតស៊ុតបញ្ចូលទី ៨៥គ្រាប់។ នៅឆ្នាំ ២០១៩ កីឡាករ Eden Hazard បានផ្លាស់ទៅក្លិបអធិរាជស Real Madrid ប៉ុន្តែហាក់មិនទទួលបានជោគជ័យទេដោយបង្ហាញខ្លួនបាន ៥៤ ស៊ុតបញ្ចូលទីបាន ៤គ្រាប់។

២. កីឡាករ Thorgan Hazard

កីឡាករ Thorgan Hazard ជាកូនទី ២ក្នុងគ្រួសារត្រកូល Hazard។ ខ្សែបម្រើប្រយុទ្ធវ័យ ៣០ សញ្ជាតិ បែលហ្សិក ជាអតីតកីឡាកររបស់ក្លិប Borussia Mönchengladbach ដោយបង្ហាញខ្លួនបាន ១៤៧ប្រកួតស៊ុតបញ្ចូលទី ៣១គ្រាប់មុនពេលផ្លាស់ទៅលេងឲ្យក្លិប Borussia Dortmund កាលពីឆ្នាំពី ២០១៩។

៣. កីឡាករ Kylian Hazard

កីឡាករ Kylian Hazard ជាកូនទី ៣ក្នុងគ្រួសារត្រកូល Hazard។ ខ្សែបម្រើប្រយុទ្ធវ័យ ២៧ សញ្ជាតិ បែលហ្សិក ជាកីឡាកររបស់ក្លិប Racing White Daring Molenbeek ដែលស្ថិតនៅលីគទី ២ក្នុងប្រទេស ហើយបង្ហាញខ្លួនបាន ៣០ប្រកួតស៊ុតបញ្ចូលទី ៨គ្រាប់។

៤. កីឡាករ Ethan Hazard

កីឡាករ Kylian Hazard ជាកូនប្រុសពៅក្នុងគ្រួសារត្រកូល Hazard។ ខ្សែបម្រើប្រយុទ្ធវ័យ ១៩ សញ្ជាតិ បែលហ្សិក ជាកីឡាកររបស់ក្លិបបាល់ទាត់ R Union Tubize-Braine យុវជនអាយុក្រោម ២១ នៅលីគក្នុងប្រទេសបែលហ្សិក។

រឿងដល់មិនគួរឲ្យជឿគឺអ្នកស្រី Carine Hazard ដែលជាម្តាយរបស់ទាំង៤រូបខាងលើគឺជាកីឡាការីនីបាល់ទាត់អាជីពនៅលីគបាល់ទាត់កំពូលបែលហ្ស៊ិកបានរៀបការជាមួយលោក Thierry Hazard ជាអតីតកីឡាករបាល់ទាត់ម្នាក់ដែលបានចូលនិវត្តន៍បពីអាជីពបាល់ទាត់កាលពីឆ្នាំ២០០១។ អ្នកស្រី Carine បានចូលនិវត្តន៍ពីអាជីពបាល់ទាត់នៅពេលអ្នកស្រីមានផ្ទៃពោះកូនច្បងរបស់អ្នកស្រីគឺកីឡាករ Eden Hazard។