សន្ទស្សន៍តម្លៃទំនិញប្រើប្រាស់នៅ ចិន ធ្លាក់ចុះ​តិចជាងការរំពឹងទុក

បើយោងតាមការិយាល័យស្ថិតិជាតិបានឲ្យដឹងកាលពីថ្ងៃពុធថា ចិនបានរាយការណ៍ពីការធ្លាក់ចុះ ០.៣ ភាគរយនៃសន្ទស្សន៍តម្លៃទំនិញប្រើប្រាស់នៅក្នុងខែកក្កដា និងការធ្លាក់ចុះ ៤.៤ ភាគរយឆ្នាំនៃតម្លៃផលិតនៅក្នុងខែដូចគ្នានេះ បើប្រៀបធៀបនឹងឆ្នាំមុន ។

ដំបូងឡើយសន្ទស្សន៍តម្លៃទំនិញប្រើប្រាស់របស់ប្រទេសចិនត្រូវបានគេរំពឹងថា នឹងធ្លាក់ចុះត្រឹម ០.៤ ភាគរយប៉ុណ្ណោះនៅក្នុងខែកក្កដា បើធៀបនឹងឆ្នាំមុន ខណៈសន្ទស្សន៍តម្លៃផលិតស្ថិតក្នុងការព្យាករណ៍នឹងធ្លាក់ចុះ ៤.១ ភាគរយ នៅក្នុងខែដូចគ្នានេះ បើប្រៀបធៀបនឹងឆ្នាំមុន ។

ទន្ទឹមនោះ តម្រូវការក្នុងស្រុកដើម្បីបំពេញចន្លោះខ្វះខាតនៅតែបន្តកើតមាន ចាប់តាំងពីជំងឺរាតត្បាតកូវីដ ១៩ ដែលធ្វើឲ្យសន្ទស្សន៍តម្លៃទំនិញ​ប្រើប្រាស់ចិន បានធ្លាក់ចុះក្នុងខែមិថុនា បើធៀបឆ្នាំមុន ។ ប៉ុន្តែទោះជាយ៉ាងណា ធនាគារជាតិចិនរំពឹងថា តម្លៃប្រើប្រាស់ទំនិញនឹងកើនឡើងវិញ បន្ទាប់ពីការធ្លាក់ចុះនៅក្នុងខែកក្កដា ។

ស្របពេលជាមួយគ្នានេះ អ្នកវិទ្យាសេដ្ឋកិច្ចនៅទិទ្យាស្ថាន Oxford Economics រំពឹងថា សន្ទស្សន៍តម្លៃទំនិញប្រើប្រាស់របស់ចិន នឹងកើនឡើង ០.៥ ភាគរយវិញនៅឆ្នាំនេះ ខណៈសន្ទស្សន៍តម្លៃផលិតនឹងកើនឡើង ៣.៥ ភាគរយផងដែរ ។

ពាក់ព័ន្ធនឹងពាណិជ្ជកម្មវិញ​ ទិន្នន័យនៅក្នុងខែកក្កដាបានបង្ហាញពីការធ្លាក់ចុះយ៉ាងខ្លាំងទាំងការនាំចេញ និងនាំចូល ។ ក្នុងនោះការនាំចេញបានធ្លាក់ចុះ ១៤.៥ ភាគរយ ខណៈពេលដែលការនាំចូលបានធ្លាក់ចុះ ១២.៤ ភាគរយ បើប្រៀបធៀបនឹងឆ្នាំមុន ៕

ប្រែសម្រួល៖ នាង រតនៈ

ប្រភព៖​ CNBC