ក្រៅពីជានាយករដ្ឋមន្ត្រី ពេលនេះលោក សេតថា ទទួលបានតំណែងមួយទៀត ក្នុងជួររដ្ឋាភិបាលថៃ

នៅថ្ងៃសៅរ៍ទី២ខែកញ្ញា នាយករដ្ឋមន្ត្រីថ្មីរបស់ប្រទេសថៃលោក សេតថា ថាវីស៊ីន ត្រូវបានតែងតាំងឲ្យកាន់តំណែងមួយទៀត នោះគឺជារដ្ឋមន្ត្រីហិរញ្ញវត្ថុ នៅក្នុងគណៈរដ្ឋមន្ត្រីដែលអនុម័តដោយព្រះមហាក្សត្រ ខណៈមហាសេដ្ឋីអចលនទ្រព្យលោក សេតថា ព្យាយាមជំរុញកំណើនរបស់ប្រទេសសេដ្ឋកិច្ចធំទីពីររបស់អាស៊ីអាគ្នេយ៍ និងអនុវត្តតាមការសន្យាយុទ្ធនាការដែលធ្វើឡើងអំឡុងយុទ្ធនាការឃោសនាបោះឆ្នោត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេដ្ឋកិច្ចរបស់ប្រទេសថៃ បាននិងកំពុងធ្លាក់ចុះព្រោះតែការនាំចេញ និងការវិនិយោគកាន់តែខ្សោយទៅៗ ដោយធនាគារកណ្តាលនិយាយកាលពីខែមុនថា ការព្យាករពេញមួយឆ្នាំសម្រាប់កំណើន៣,៦% អាចទាបជាងនេះ។

ការស្តារសេដ្ឋកិច្ចរបស់ប្រទេសថៃឡើងវិញ នឹងក្លាយជាកិច្ចការដ៏ធំបំផុតមួយសម្រាប់អ្នកចំណូលថ្មីផ្នែកនយោបាយគឺលោក សេតថា។

គណៈរដ្ឋមន្ត្រីថ្មីនេះ នឹងនាំឲ្យគណបក្សភឿថៃរបស់លោក សេតថា ត្រូវគ្រប់គ្រងផ្នែកការពារជាតិ ដឹកជញ្ជូន ពាណិជ្ជកម្ម សុខាភិបាល និងការបរទេស។

សូមបញ្ជាក់ ការប្រកាសគណៈរដ្ឋមន្ត្រីថ្មីនេះ ធ្វើឡើងប៉ុន្មានសប្តាហ៍ បន្ទាប់ពីលោក​ សេតថា ដែលជាអតីតប្រធានក្រុមហ៊ុនអភិវឌ្ឍន៍អចលនទ្រព្យប្រណីត Sansiri បានឈ្នះការបោះឆ្នោតសភាកាលពីខែសីហា ដើម្បីក្លាយជានាយករដ្ឋមន្ត្រី៕

ប្រែសម្រួល៖ Vann Vann

ប្រភព៖ CNA

ចុចអាន៖ បក្សចលនាឆ្ពោះទៅមុខ ដាក់គោលដៅឈ្នះការបោះឆ្នោតលើកក្រោយ និងបង្កើតរដ្ឋាភិបាលថ្មី