បក្សចលនាឆ្ពោះទៅមុខ ដាក់គោលដៅឈ្នះការបោះឆ្នោតលើកក្រោយ និងបង្កើតរដ្ឋាភិបាលថ្មី

ថ្វីបើបច្ចុប្បន្ន គណបក្សចលនាឆ្ពោះទៅមុខ កំពុងយកចិត្តទុកដាក់លើការបែងចែកតំណែងរដ្ឋមន្ត្រីក៏ដោយ ប៉ុន្តែពួកគេបានដាក់គោលដៅសម្រាប់ការបោះឆ្នោតលើកក្រោយ ដោយប្រកាសថា ខ្លួនមានគោលបំណងឈ្នះការបោះឆ្នោតនោះ និងក្លាយជារដ្ឋាភិបាលមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្សនេះ បានបើកកិច្ចប្រជុំប្រចាំសប្តាហ៍របស់ខ្លួនកាលពីថ្ងៃពុធទី៣០ខែសីហា ខណៈរបៀបវារៈ ក៏រួមបញ្ចូលទាំងកិច្ចពិភាក្សាអំពីជំហររបស់ខ្លួនក្នុងនាមជាក្រុមប្រឆាំងផងដែរ។

អ្នកនាំពាក្យ​​គណបក្ស​លោកស្រី Pukkamon Nunarnan និយាយថា ក្នុង​នាម​ជាបក្ស​ប្រឆាំង, ចល​នា​ឆ្ពោះទៅមុខ ​នឹង​បង្កើត​ភាពជា​ដៃគូ​ជាមួយ​បក្ស​ផ្សេង​ទៀត ដើម្បី​គ្រប់គ្រង​រដ្ឋាភិបាល​។

អ្នកស្រី​​ថ្លែង​ថា​ “​យើង​ត្រូវ​តែ​តាម​ដាន​រដ្ឋាភិបាល​ចម្រុះ​នេះ ​រដ្ឋាភិបាល​ដឹកនាំ​ដោយ​គណបក្ស​ភឿថៃ ​ប្រហែល​ជា​មិន​អាច​អនុវត្ត​គោលនយោបាយ​ទាំងអស់ ​ដែល​ខ្លួន​បាន​សន្យា​ចំពោះ​ប្រជាជន​នោះ​ទេ។ ចលនាឆ្ពោះទៅមុខ ចង់បង្ហាញថា គណបក្សបានត្រៀមខ្លួនធ្វើជារដ្ឋាភិបាល ក្នុងការបោះឆ្នោតបន្ទាប់”។

គួរបញ្ជាក់ជាថ្មី គណបក្សចលនាឆ្ពោះទៅមុខ បានឈ្នះការបោះឆ្នោតឆ្នាំ២០២៣ ជាមួយនឹងអាសនៈសមាជិកសភាចំនួន១៥១ ប៉ុន្តែលោក Pita មិនទទួលបានតំណែងជានាយករដ្ឋមន្ត្រីឡើយ ដោយសារតែមិនទទួលបានសំឡេងគាំទ្រគ្រប់គ្រាន់ពីសមាជិកសភា៕

ប្រែសម្រួល៖ Vann Vann

ប្រភព៖ Nation

ចុចអាន៖ លោក សេតថា អាចឲ្យកសិករថៃ ផ្អាកសងបំណុល៣ឆ្នាំ ដើម្បីជំរុញវិស័យកសិកម្ម ជួយសេដ្ឋកិច្ច