ព័ត៌មានអន្ដរជាតិ
ជំនាន់ទិញ Twitter តើ Elon Musk ប្រមូលលុយបានមកពីណាខ្លះ?
កាលពីជំនាន់ទិញក្រុមហ៊ុន Twitter អំឡុងឆ្នាំមុន ខណៈបច្ចុប្បន្នប្តូរឈ្មោះមកជា X លោក Elon Musk ត្រូវគេដឹងថាបានខ្ចីលុយមួយចំនួនពីក្រុមហ៊ុន និងលក់ភាគហ៊ុន ក៏ដូចជាខ្ចីធនាគារខ្លះៗដើម្បីបានលុយគ្រប់យកមកទិញ Twitter ដែលមានតម្លៃ ៤៤ ពាន់លានដុល្លារ ។
មហាសេដ្ឋី Elon Musk បានលក់ភាគហ៊ុនរបស់លោកនៅក្នុងក្រុមហ៊ុន Tesla សរុបបានប្រមាណជាង ២៣ ពាន់លានដុល្លារ ដើម្បីគាំទ្រដល់ហិរញ្ញប្បទានក្នុងការទិញ Twitter ។
ប៉ុន្តែចំនួនទឹកប្រាក់បានមកពីការលក់ភាគហ៊ុននេះ នៅតែមិនទាន់គ្រប់ចំនួនឡើយ ហើយលោក Elon Musk បានទៅខ្ចីលុយពីធនាគារធំៗរបស់សហរដ្ឋអាមេរិកបន្ថែមទៀតដែលរួមមាន Morgan Stanley និង Bank of America ក្នុងចំនួនទឹកប្រាក់ប្រហែល ១៣ ពាន់លានដុល្លារ ខណៈបំណុលនោះ ត្រូវទូទាត់សងវិញទាំងអត្រាការប្រាក់ប្រហែល ១.៥ ពាន់លានដុល្លារក្នុងមួយឆ្នាំ ។
ជាពិសេស Elon Musk ក៏បានខ្ចីលុយពីក្រុមហ៊ុនអវកាស SpaceX ប្រមាណជាង ១ ពាន់លានដុល្លារបន្ថែមទៀតផងដែរដើម្បីបង្គ្រប់ទិញបណ្ដាញសង្គម Twitter នៅក្នុងខែតុលា ។
បើយោងតាមការចុះផ្សាយពីសារព័ត៌មាន Wall Street Journal បានឲ្យដឹងថា ចំពោះការខ្ចីពី SpaceX នេះដែរមិនមែនជាលើកដំបូងឡើយ ពោល Elon Musk ធ្លាប់បានខ្ចីពីក្រុមហ៊ុនអវកាសមួយនេះប្រមាណ ២០ លានដុល្លារ កាលពីឆ្នាំ ២០០៩ ដើម្បីផ្តល់មូលនិធិដល់ Tesla និងខ្ចី ៥០០ លានដុល្លារទៀតចន្លោះឆ្នាំ ២០១៨ និង ២០២០ មុនពេលសងត្រលប់វិញនៅចុងឆ្នាំ ២០២១ ៕
ប្រែសម្រួល៖ នាង រតនៈ
ប្រភព៖ Business Insider
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ