ព័ត៌មានអន្ដរជាតិ

Elon Musk អបអរការបង្កើតគណបក្សថ្មី ចំថ្ងៃតែមួយ ដែលលោកត្រាំចេញច្បាប់ដ៏ចម្រូងចម្រាស

បានផុស

១០ ខែ មុន

នៅ

ថ្ងៃអាទិត្យ ៦ កក្កដា ២០២៥

ដោយ

លោក Elon Musk បានប្រកាសពីការបង្កើតគណបក្សថ្មីដែលមានឈ្មោះថា America Party បន្ទាប់ពីលទ្ធផលនៃការស្ទង់មតិតាមប្រព័ន្ធផ្សព្វផ្សាយសង្គមកាលពីថ្ងៃសុក្រ ចំថ្ងៃតែមួយដែលប្រធានាធិបតី ដូណាល់ ត្រាំ បានចុះហត្ថលេខាលើច្បាប់ស្តីពីច្បាប់កាត់បន្ថយពន្ធទ្រង់ទ្រាយធំ។

នៅលើវេទិកាប្រព័ន្ធផ្សព្វផ្សាយសង្គម X មហាសេដ្ឋីបច្ចេកវិទ្យាអាមេរិករូបនេះបានអំពាវនាវឲ្យមនុស្សឆ្លើយបាទឬទេចំពោះសំណួររបស់គាត់ថា «តើយើងគួរបង្កើតគណបក្សអាមេរិកទេ»? លោកបានកត់សម្គាល់ថា ទិវាឯករាជ្យគឺជាពេលដ៏ល្អបំផុត ដើម្បីសួរថា តើពួកគេចង់បានឯករាជ្យពីប្រព័ន្ធគណបក្សពីរដែលអ្នកខ្លះនិយាយថាជា «ប្រព័ន្ធឯកបក្ស»។

ការស្ទង់មតិបានទទួលការឆ្លើយតបជាង ១.២៤លាន មុនពេលវាត្រូវបានបិទ។ លទ្ធផលបង្ហាញថាប្រហែល ៦៥ ភាគរយនៃអ្នកឆ្លើយតបពេញចិត្តនឹងគំនិតនេះ។

លោក Musk បានប្រកាសនៅក្នុងមុខតំណែងរបស់គាត់ នៅថ្ងៃអាទិត្យនេះថា ថ្ងៃនេះគណបក្សអាមេរិចត្រូវបានបង្កើតឡើងមកហើយ ។

ទោះជាយ៉ាងណាក៏ដោយ ព័ត៌មានលម្អិតនៃគណបក្សថ្មីនៅតែមិនទាន់ដឹងនៅឡើយ ប៉ុន្តែការផ្លាស់ប្តូររបស់គាត់ត្រូវបានគេមើលឃើញថា ជាការប៉ុនប៉ងដាក់សម្ពាធលើលោកត្រាំ និងគណបក្សសាធារណរដ្ឋរបស់គាត់ នៅមុនការបោះឆ្នោតពាក់កណ្តាលអាណត្តិនៅឆ្នាំក្រោយ។

លោក Musk បានដឹកនាំនាយកដ្ឋានប្រសិទ្ធភាពរដ្ឋាភិបាលរហូតដល់ចុងខែឧសភា ហើយបានធ្វើការដើម្បីកាត់បន្ថយការចំណាយរបស់រដ្ឋាភិបាល។ លោកបានរិះគន់ច្បាប់ថ្មីនេះ ដោយនិយាយថា វានឹងបង្កើនឱនភាពសារពើពន្ធរបស់អាមេរិកយ៉ាងខ្លាំង៕

អត្ថបទ៖ សាង ស្រីល័ក្ខ

ចុចអាន៖ត្រាំចេញក្រឹត្យប្រធានាធិបតីដាក់ឲ្យប្រើច្បាប់ថវិកាថ្មីដ៏ចម្រូងចម្រាសបំផុត