ព័ត៌មានជាតិ

ក្រសួងអប់រំនឹងបញ្ចប់ឆ្នាំសិក្សា២០២៣នៅថ្ងៃទី២០វិច្ឆិកា និងបើកបវេសនកាលឆ្នាំថ្មីនៅថ្ងៃទី១ធ្នូ

បានផុស

៣ years មុន

នៅ

ថ្ងៃសុក្រ ២០ តុលា ២០២៣

ដោយ

ក្រសួងអប់រំយុវជននិងកីឡានឹងបញ្ចប់ឆ្នាំសិក្សា២០២២-២០២៣នៅថ្ងៃទី២០ខែវិច្ឆិកាឆ្នាំ២០២៣និងគ្រោងបើកបវេសនកាលឆ្នាំសិក្សាថ្មី នៅថ្ងៃទី០១ខែធ្នូឆ្នាំ២០២៣ខាងមុខនេះ។

លោក ស្រី ឃួន វិច្ឆិកា អ្នកនាំពាក្យក្រសួងអប់រំយុវជននិងកីឡាបានមានប្រសាសន៍នៅរសៀលថ្ងៃទី២០តុលានេះថា សម្រាប់ការសិក្សាក្នុងឆ្នាំសិក្សានេះ នឹងត្រូវបញ្ចប់នៅថ្ងៃទី២០ វិច្ឆិកា និងបើកបវេសនកាលថ្មី គឺនឹងចាប់ផ្តើមនៅថ្ងៃទី១ ខែធ្នូ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបានបន្ថែមថា ឆ្នាំនេះសិស្សឈប់សម្រាកបានត្រឹម១០ថ្ងៃ ព្រោះក្រសួងចង់រំកិលពេលចូលកងខិតមកមុខវិញ។

លោកស្រីបានបញ្ជាក់ថា « យើងនឹងពិនិត្យលទ្ធភាពជាក់ស្តែង ដើម្បីឱ្យអ្វីៗអាចវិលមកភាពប្រក្រតីវិញបានព្រោះក្រសួងមើលឃើញថាការចូលរៀនយឺត នាំឱ្យចប់យឺត សាលារងហានិភ័យនឹងទឹកជំនន់ដែលក្រសួងធ្លាប់លើកការចូលរៀនពីខែ៩មកខែ១១ គឺដើម្បីជៀសវាងហានិភ័យ តែបញ្ហាកូវីដធ្វើឱ្យយើងត្រូវអនុវត្តការចូលរៀនខុសពីពេលមុនៗ។ដូច្នេះ យើងកំពុងព្យាយាមឱ្យអ្វីៗវិលមកកាន់ប្រក្រតីភាព»។

គួរបញ្ជាក់ថា កន្លងមកក្រសួងអប់រំយុវជននិងកីឡាបានកំណត់ការឈប់វិស្សមកាលតូចរយៈពេល១៥ថ្ងៃនិងវិស្សមកាលធំរយៈពេល៣ខែ។ ប៉ុន្តែដោយសារបញ្ហាផ្សេងៗពិសេសការរាតត្បាតជំងឺកូវីដ១៩បានធ្វើឱ្យដំណើរការសិក្សាត្រូវបានលើកពេលជាបន្តបន្ទាប់និងត្រូវអនុវត្តវ៉ាកងធំនិងតូចខុសពីធម្មតាដូចជាវ៉ាកងតូចឈប់១សប្តាហ៍និងវ៉ាកងធំជាង១ខែជាដើម៕

ដោយ ៖ សំអឿន

Related Topics:បើកបវេសនកាល

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា