សន្តិសុខសង្គម
អាវុធហត្ថខេត្តបាត់ដំបងបង្ក្រាបករណីជួញដូរគ្រឿងញៀនបានជាង១០គីឡូក្រាម
ថ្នាំញៀនប្រភេទម៉ាទឹកកកទម្ងន់ជាង១០គីឡូក្រាម ត្រូវបានកម្លាំងកងរាជអាវុធហត្ថខេត្តបាត់ដំបងធ្វើការបង្ក្រាបបានទាន់ពេលវេលាព្រមទាំងបានឃាត់ខ្លួនជនសង្ស័យចំនួន២នាក់ផងដែរ ខណៈដែលពួកគេកំពុងដឹកជញ្ជូនថ្នាំញៀនទាំងនេះតាមរថយន្តតាមផ្លូវជាតិលេខ៥។
![](https://www.kampucheathmey.com/wp-content/uploads/2023/10/photo_2023-10-26_06-54-10-1024x768.jpg)
កិច្ចប្រតិបត្តិការដ៏ក្តៅគគុកនេះ គឺបានធ្វើឡើងនៅវេលាម៉ោង៦និង១៥នាទីល្ងាចថ្ងៃទី២៥ ខែតុលា ឆ្នាំ២០២៣ នៅលើកំណត់ផ្លូវជាលេខ៥ ត្រង់ចំណុចស្ពានត្រស់ ស្ថិតក្នុងភូមិវាលទ្រា ឃុំអូរតាគី ស្រុកថ្មគោល ខេត្តបាត់ដំបង។
![](https://www.kampucheathmey.com/wp-content/uploads/2023/10/photo_2023-10-26_06-54-17-1024x768.jpg)
យោងតាមរបាយការណ៍របស់កម្លាំងកងរាជអាវុធហត្ថខេត្តបានបញ្ជាក់ថា នៅក្នុងកិច្ចប្រតិបត្តិការបង្ក្រាបការដឹកជញ្ជូនគ្រឿងញៀនតាមរយៈរថយន្តមួយគ្រឿងម៉ាកCRV ពណ៌ទឹកប្រាក់ ពាក់ស្លាកលេខ ភ្នំពេញ 2AA-9869 ត្រូវបានកម្លាំងស្ទាក់ឃាត់ជាប់នៅចំណុចខាងលើដែលមានជនសង្ស័យចំនួនពីរនាក់គឺមានឈ្មោះ ប៊ូ សុផាត ហៅហ៊ុល ភេទប្រុស អាយុ៦៣ឆ្នាំ មុខរបរគ្មាន ទីលំនៅភូមិអូរតាគាំ១ សង្កាត់ទួលតាឯក ក្រុងបាត់ដំបង និងឈ្មោះ លី ធារិទ្ធ ភេទប្រុស អាយុ៤២ឆ្នាំ មុខរបរគ្មានរស់នៅភូមិកងវ៉ា សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ដោយកម្លាំងសមត្ថកិច្ចបានធ្វើការដកហូតថ្នាំញៀនប្រភេទម៉ាទឹកកកចំនួន២៥កញ្ចប់សរុបទម្ងន់១០,៣៣៤.៦០ ក្រាម រួមជាមួយនឹងទូរសព្ទដៃចំនួន២គ្រឿងផងដែរ។
![](https://www.kampucheathmey.com/wp-content/uploads/2023/10/photo_2023-10-26_06-54-20-768x1024.jpg)
បច្ចុប្បន្នជនសង្ស័យ និងវត្ថុតាងទាំងអស់ត្រូវបានបញ្ជូនទៅការិយាល័យជំនាញនៃបញ្ជាការដ្ឋានកងរាជអាវុធហត្ថខេត្តដើម្បីអនុវត្តបន្តតាមនីតិវិធីច្បាប់៕
អត្ថបទ៖ សោ និយមរ័ត្ន
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ៣ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៤ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម៣ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ
-
ព័ត៌មានជាតិ៥ ថ្ងៃ ago
រៀបចំក្រុងពាលី ត្រៀមបើកការដ្ឋានសាងសង់ «ព្រែកជីកហ្វូណន-តេជោ»
-
ព័ត៌មានជាតិ៥ ថ្ងៃ ago
នគរបាលខេត្តស្វាយរៀង បង្ក្រាបករណីឆបោកក្រោមរូបភាពដាក់ប្រាក់វិនិយោគ