កីឡា
ម្ចាស់ជើងឯកពានសម្ដេចក្រឡាហោម នឹងទទួលបានកៅអីលេងលីគបាល់ទះកំពូលកម្ពុជា
សហព័ន្ធកីឡាបាល់ទះកម្ពុជាបានរៀបចំព្រឹត្តិការណ៍ប្រកួតបាល់ទះពានរង្វាន់សម្ដេចក្រឡាហោម ស ខេង លើកទី២ ដែលនឹងចាប់ផ្តើមនៅថ្ងៃទី៩ ខែវិច្ឆិកា ឆ្នាំ២០២៣ វេលម៉ោង៨ព្រឹក នៅវិមានពហុកីឡដ្ឋានជាតិអូឡាំពិក ដោយមានក្រុមចូលរួមចំនួន២៩ក្រុម។
លោក អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជា បាននិយាយថា៖«ចំពោះក្រុមដែលជាម្ចាស់ជើងឯកពានរង្វាន់សម្ដេចក្រឡាហោម ស ខេង ឆ្នាំ២០២៣ នឹងទទួលបានកៅអីទៅលេងក្នុងលីគបាល់ទះកំពូលកម្ពុជាដោយស្វ័យប្រវត្តិ។ លីគបាល់ទះកម្ពុជាត្រូវតែមាន មូលហេតុចម្បងគឺខ្ញុំចង់បញ្ចូលអត្តពលិក និងក្រុមបាល់ទះកម្ពុជារបស់យើងឲ្យទៅលេងនៅពានរង្វាន់ AVC Challenge Cup ដោយសារក្រុមកម្ពុជាខកខានចូលរួមយូរមកហើយ»។
ការប្រកួតពានរង្វាន់បាល់ទះ សម្តេច ក្រឡាហោម ស ខេង ឆ្នាំ២០២៣ នឹងមានក្រុមចូលរួមចំនួន២៩ មកពី២៥រាជធានី-ខេត្ត។ ការប្រកួតនឹងចាប់ផ្ដើមពីថ្ងៃទី៩ ដល់ថ្ងៃទី១៩ ខែវិច្ឆិកា ឆ្នាំ២០២៣ ដោយមានការប្រកួតសន្សំពិន្ទុតាមពូលក្រុមដែលមានចំណាត់ថ្នាក់លេខ១ និងលេខ២ ឡើងទៅទៅវគ្គ៨ក្រុមចុងក្រោយដើម្បីបន្តកៅអីឡើងវគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ។
លោក អាំង សិរីពិសិដ្ឋ បានបន្ថែមថា៖«សម្រាប់កំណើនក្លិបចូលរួមប្រកួតប្រជែងឆ្នាំនេះគឺបង្ហាញថា វិស័យបាល់ទះនៅកម្ពុជារបស់យើងមានការអភិវឌ្ឍទៅមុខឥតឈប់ឈរ។ ដូច្នេះទើបឆ្នាំនេះមានក្លិបចូលរួមយ៉ាងច្រើន សម្រាប់ការប្រកួតនេះក៏ជាឱកាសមួយចំពោះសហព័ន្ធបាល់ទះកម្ពុជា ក្នុងការសម្លឹងមើលយុវជនបន្តវេនដើម្បីអាចបន្តវេនពីកីឡាកររៀមច្បង»៕
ក្រុមស្ថិតនៅក្នុងពូលទាំង៨
- A ៖ ក្រុមស្នងការនគរបាលព្រៃវែង, ក្លិបបាល់ទះសេកុង, នគរបាលខេត្តកណ្តាល និងលោកតាឌីខេត្តព្រះវិហារ
- B ៖ បញ្ជាការដដ្ឋានកងអង្គរក្ស, នគរបាលខេត្តបន្ទាយមានជ័យ, វិសាខាU-18, និង នគរបាលខេត្តបាត់ដំបូង
- C ៖ នគរបាលខេត្តប៉ៃលិន, នគរបាលខេត្តឧត្តរមានជ័យ, រដ្ឋបាលរាជធានីភ្នំពេញ និង ក្រសួងមហាផ្ទៃ B
- D ៖ នគរបាលខេត្តកំពង់ចាម, នគរបាលខេត្តស្វាយរៀង និងនគរបាលខេត្តកែប
- E ៖ នគរបាលខេត្តត្បូងឃ្មុំ, នគរបាលខេត្តរតនគិរី, នគរបាលខេត្តពោធិ៍សាត់ និងនគរបាលខេត្តសៀមរាប
- F ៖ នគរបាលខេត្តកំពង់ធំ, ក្រុមបាល់ទះឬទ្ធីសែន (កំពង់ឆ្នាំង), នគរបាលខេត្តតាកែវ និងនគរបាលខេត្តមណ្ឌលគិរី
- G ៖ នគរបាលខេត្តក្រចេះ, នគរបាលខេត្តកំពង់ស្ពឺ និងនគរបាលខេត្តកោះកុង
- H ៖ ក្រុមយុវជនបក្សីឆ្លងដែន, ក្រុមនគរបាលខេត្តព្រះសីហនុ និងក្រុមនគរបាលខេត្តកំពត
អត្ថបទ៖ ផា រតនា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ