Nonkul សារភាពថា លោកពិតជាមានទំនាក់ទំនងស្នេហាជាមួយ Aff ពិតប្រាកដមែន

តារាសម្ដែងវ័យក្មេង Chanon Santinatornkul ឬ Nonakul សារភាព​ថា​ តាមពិតលោកគឺជាអ្នកតាមចែចង់​អ្នកមេម៉ាយ Aff Taksaorn មុននិងពិតប្រាកដ ព្រមទាំងទម្លាយ​ការ​ចាប់​ផ្តើម​ច្បាស់​លាស់​នៃ​ទំនាក់​ទំនង​ពួក​គេទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ ក្រុមអ្នកសារព័ត៌មានបាន​ជួប​តារាសម្ដែងប្រុសរូបនេះផ្ទាល់ ខណៈដែលលោកបានទម្លាយការពិតថា ពិតជាបាន​ចែចង់​ជាមួយ Aff Taksaorn មក​ទល់​ពេល​នេះ​អារម្មណ៍​របស់​លោក​កាន់តែ​ច្បាស់​ឡើង​ៗ ។

ក្នុងនោះលោកបានផ្ដល់បទសម្ភាសន៍ថា “ខ្ញុំ​ទទួល​ស្គាល់​ថា​ខ្ញុំ​ពិត​ជា​តាមស្រលាញ់នាងមែន​។​ បន្ទាប់​ពី​ថត​រឿង​ភាគ​ចប់ ខ្ញុំ​បាន​និយាយ​ជាមួយ​គាត់​ដូច​ជា​បង​ប្អូនប៉ុណ្ណោះ។ ប៉ុន្តែ​ពេល​ដែល​យើង​និយាយ​ជាមួយគ្នាមករហូត ខ្ញុំចាប់ផ្តើមចូលចិត្ត Aff កាន់តែច្រើន។

ជាមួយគ្នានេះដែរ​ Nonakul បានបញ្ចាក់ទៀតថា “បើខ្ញុំនិយាយថាពេលណា គឺមុនពេលឪពុកនាងទទួលមរណភាព ខ្ញុំជាអ្នកផ្ដើមនិយាយទៅគាត់មុន។ ដំបូងខ្ញុំភ័យបន្តិច ខ្លាចខកចិត្ត ប៉ុន្តែចុងក្រោយខ្ញុំប្រើចិត្តស្មោះ១០០%។ ខ្ញុំចូលចិត្តគាត់ដោយសារតែ គាត់​ជា​មនុស្ស​មើល​ថែ​អ្នក​ជុំវិញ​ខ្លួន។ ​ពេល​ឃើញ​បែប​នេះ ខ្ញុំ​ចាប់​អារម្មណ៍​រហូត​ដល់​សព្វ​ថ្ងៃ”។

ក្នុងនោះផងដែរ ក្រុមអ្នកសារព័ត៌មានបានសួរ​ថា ​តើ​រឿង​ស្នេហា​រវាង​អាយុ​ខុស​គ្នា​យ៉ាង​ណា? លោកបានឆ្លើយថា វាមិនមែនជាអ្វីដែលគួរឲ្យខ្លាចនោះទេ។ ទីបំផុត មិន​ថា​អាយុ​ឬ​ភេទ​អ្វី​ក៏​គ្មាន​អ្វី​ខុស​ដែរ! បើយើងយល់ វាមិនអីទេ។ បើទោះបីជានៅពេលនេះ ស្ថានភាពមិនទាន់ត្រូវបានបញ្ចាក់​ច្បាស់នូវឡើយ។ ប៉ុន្តែខ្ញុំពិតជាអាចនិយាយបានថាខ្ញុំកំពុងមានទំនាក់ទំនងជាមួយគាត់ ហើយក៏ជាមនុស្សស្រីតែមួយគត់។ តែខ្ញុំនៅតែមិនប្រើពាក្យថាសង្សារ នៅថ្ងៃ​ដែល​ខ្ញុំ​ជ្រើសរើស​ប្រើ​ពាក្យ​សង្សារ ពេល​វេលា​រវាង​ពាក្យ​ថា​សង្សារ​នឹង​ប្រពន្ធ​គឺនឹងមកដល់ដូចគ្នាដែរ។

ទោះយ៉ាងណាក៏ដោយ ត្បិតថាអ្នកទាំងពីរមិនទាន់បើកចំហពីក្ដីស្រលាញ់ចំពោះគ្នាជាសាធារណក្ដី ប៉ុន្តែទស្សនិកជនជាច្រើនស្មានដឹងហើយថា បេះដូងរបស់អ្នកមេម៉ាយ Aff Taksaorn មានអ្នកថែទាំពិតប្រាកដនិងជាយូរណាស់មកហើយ៕

ប្រែសម្រួល៖ សាង ស្រីល័ក្ខ

ចុចអាន៖បុគ្គលិក Celine ម្នាក់ទម្លាយថា សុខភាព Lisa ទ្រុឌទ្រោម និងត្រូវលេបថ្នាំឈឺក្បាលច្រើនដង