ជីវិតកម្សាន្ដ

Aff-Nonkul បង្ហោះរូបគូស្នេហ៍លើកដំបូង បែររងការរិះគន់ដូចម្ដាយនិងកូន

បានផុស

៣ years មុន

នៅ

ថ្ងៃអង្គារ ២៦ ធ្នូ ២០២៣

ដោយ

តារាសម្ដែង Aff taksaorn និងតារាសម្ដែងវ័យក្មេងស្រករក្រោយ Nonkul Chanon ទើបតែបង្ហោះនូវរូបភាពលើបណ្ដាញសង្គមផ្ទាល់ខ្លួនលើកដំបូងក្នុងនាមជាគូស្នេហ៍ថ្មីថ្មោង ប៉ុន្តែអ្នកទាំងពីរបែរទទួលបានការរិះគន់ពីមនុស្សម្នាក់ថាដូចម្ដាយនិងកូនទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើបណ្ដាញសង្គម IG ផ្ទាល់របស់មេម៉ាយកូនមួយ Aff taksaorn បានបង្ហោះរូបគូជាមួយ Nonkul ដើម្បីឆ្លៀតឱកាសផ្សព្វផ្សាយភាពយន្តថ្មីស្រលាងក្រោមចំណងជើងថា “Find Yourself” ដែលពួកគេបានសម្ដែងរួមគ្នា និងកំពុងចាក់ផ្សាយនាពេលនេះផងដែរ។

តាមរយៈរូបភាពរបស់អ្នកទាំងពីរបានធ្វើឲ្យអ្នកគាំទ្រចូលមកចុច Like យ៉ាងច្រើនលើសលុបព្រមទាំងសរសើរពីភាពផ្អែមមិនលួសពេលបើទោះជាស្នេហា Aff និង Nonkul ខុសវ័យគ្នាច្រើនឆ្នាំយ៉ាងណាក៏ដោយ។

ប៉ុន្តែអ្វីដែលធ្វើឲ្យទស្សនិកជននិងអ្នកគាំត្រគូស្នេហ៍នេះហួសចិត្តនោះគឺអ្នកលេងអ៊ីនធឺណិតម្នាក់បានចូលមកបញ្ចេញមតិនូវសម្ដីមិនសមរម្យយ៉ាងដូច្នេះ “ខាងស្រីមិនស័ក្តិសមនឹងគ្នាទេ! មើលទៅដូចជាកូននិងម្តាយអ៊ីចឹង”។

ទោះយ៉ាងណាក៏ដោយ ការបញ្ចេញមតិរបស់មនុស្សតែម្នាក់នេះលើបណ្ដាញសង្គមផ្ទាល់ខ្លួនមិនបានធ្វើឲ្យ Aff មានការខឹងឬអាក់អន់ស្រពន់ចិត្តឡើយ។ ហើយនាងក៏មិនបានឆ្លើយតបត្រលប់ទៅវិញដែរ ខណៈនាងទុកឲ្យអ្នកគាំទ្រស្រលាញ់នាងតបតការពារនាងវិញ៕