ជីវិតកម្សាន្ដ

Non ទៅជប៉ុន ចំពេលគ្រោះរញ្ជួយដី ខណៈអ្នកគាំទ្របង្ហាញក្ដីបារម្ភធំធេង

បានផុស

៣ years មុន

នៅ

ថ្ងៃពុធ ៣ មករា ២០២៤

ដោយ

អ្នកគាំទ្របារម្ភជាច្រើនបានបង្ហាញក្ដីបារម្ភចំពោះតារាសម្ដែងថៃ Chanon Santinatornkul ឬ Nonkul ស្របពេលដែលលោកបានធ្វើដំណើរទៅប្រទេសជប៉ុនជាមួយក្រុមគ្រួសារ ក្នុងឱកាសពិធីបុណ្យឆ្លងឆ្នាំថ្មី។ ក្នុងពេលជាមួយគ្នានេះដែរ ថ្មីៗនេះគ្រោះរញ្ជួយដីបានបានប្រហារប្រទេសជប៉ុនយ៉ាងខ្លាំងក្លាថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ មិនឲ្យអ្នកគាំទ្ររង់ចាំនិងព្រួយបារម្ភយូរតារាប្រុសវ័យក្មេង កំពុងទទួលបានភាពល្បីល្បាញរូបនេះបានធ្វើបច្ចុប្បន្នភាពពីស្ថានភាពរបស់លោកផ្ទាល់ ព្រមទាំងក្រុមគ្រួសារនៅលើបណ្ដាញសង្គមផ្ទាល់ខ្លួន (X) ភ្លាមៗដោយឥតបង្អង់យូរ។

តាមរយការបង្ហោះនេះដែរ តួប្រុសក្នុងរឿង “សិស្សឆ្នើមកំពូលល្បិច” ប្រាប់អ្នកគាំទ្រថា “ខ្ញុំមានសុវត្ថិភាពទេ សូមអរគុណអ្នករាល់គ្នាសម្រាប់ការព្រួយបារម្ភរបស់អ្នកកន្លងមក។ ពេលនេះពួកយើងមិនមានបញ្ហាអ្វីជាដំកំភួន ឬគ្រោះថ្នាក់ណាមួយឡើយ”។

បន្ទាប់ពីមហាជនជាច្រើនបានដឹងពីសុខទុក្ខលោក ព្រមទាំងក្រុមគ្រួសារមានសុវត្ថិភាពល្អប្រសើរហើយ គ្រប់គ្នាហាក់បង្ហាញការធូរស្រាលចិត្តច្រើន។ ទន្ទឹមនឹងនោះដែរ អ្នកគាំទ្រក៏បានមកជុំគ្នាជូនពរតារាប្រុសរូបនេះនិងគ្រួសារជួបតែសេចក្តីសុខក្នុងឆ្នាំថ្មី២០២៤ ហើយធ្វើដំណើរត្រលប់មកកាន់ទឹកដីកំណើតវិញដោយសុវត្ថិភាព។

សូមរម្លឹកដែរថា ជប៉ុនបានជួបនូវគ្រោះរញ្ជួយដីនៅកាលពីថ្ងៃទី ០១ ខែមករាឆ្នាំ ២០២៤ ចំចំណុចកណ្តាលនៅជិតទីក្រុង Noto ខេត្ត Ishikawa ដែលមានទំហំ ៧.៦ រ៉ិចទ័រ ខណៈអាជ្ញាធរបានស្នើឲ្យប្រជាជនប្រទេសនេះត្រូវប្រុងប្រយ័ត្នខ្ពស់ ចំពោះការរញ្ជួយដីនិងរលកយក្សស៊ូណាមិដែលអាចកើតមានភ្លាមៗ៕