ជីវិតកម្សាន្ដ
មាស សុខសោភា និង ក្មួយស្រី ប៉ះគ្នាលើឆាកតែមួយ ក្នុងមហាព្រឹត្តិការណ៍ដ៏អស្ចារ្យ នៅសៀមរាប
ទស្សនិកជន នឹងកាន់តែរំភើបខ្លាំងថែមទៀតពេលឮដំណឹងថា កំពូលតារាចម្រៀងសំនៀងផ្អែមអ្នកនាង មាស សុខសោភា ត្រៀមបង្ហាញវត្តមានសម្តែង និងច្រៀង នៅលើឆាកតន្ត្រី ដើម្បីអបអរក្នុងមហាព្រឹត្តិការណ៍វប្បធម៌«រាត្រីចងចាំ» លើកទី ៤ ឆ្នាំ ២០ ២៣ ដែលធ្វើឡើងនៅលើទឹកដីប្រវត្តិសាស្ត្រខេត្តសៀមរាបអង្គរ នាថ្ងៃទី ១៤ ខែធ្នូ ឆ្នាំ ២០២៣។
ជាមួយគ្នានេះ អ្វីដែលធ្វើឲ្យអ្នកគាំទ្រកាន់តែចាប់អារម្មណ៍ថែមទៀតនោះ ក្មួយស្រីរបស់តារាចម្រៀង មាស សុខសោភា គឺ កញ្ញា មាស សុខដារីនី ក៏នឹងត្រូវជួបគ្នាលើឆាកតែមួយក្នុងមហាព្រឹត្តិការណ៍ដ៏អស្ចារ្យនេះផងដែរ។ នៅលើគណនីហ្វេសប៊ុករបស់អ្នកនាង មាស សុខសោភា មុននេះ ក៏បានបង្ហោះរូបភាពពីរសន្លឹកអមជាមួយខ្លឹមសារថា “ក្មួយហើយមីងជាន់ឆាកតែមួយទៅជាយ៉ាងណា”។
កំពូលតារាចម្រៀងទឹកដមសំឡេងមនោសញ្ចេតនា អ្នកនាង មាស សុខសោភា ក៏បានប្រាប់ទៅអ្នកគាំទ្រ និងមហាជន កុំភ្លេចជួបគ្នានៅថ្ងៃទី ១៤ ធ្នូ ក្នុងទឹកដី នៃខេត្តសៀមរាប ក្នុងមហាព្រឹត្តិការណ៍វប្បធម៌«រាត្រីចងចាំ» នាទីលានជល់ដំរី។
គួរបញ្ជាក់ថា មហាព្រឹត្តិការណ៍វប្បធម៌«រាត្រីចងចាំ» ក្នុងឆ្នាំ ២០២៣ នេះ រៀបចំឡើងដើម្បីចូលរួមអបអរសាទរខួបអនុស្សាវរីយ៍ ៣១ ឆ្នាំ នៃការដាក់បញ្ចូលរមណីយដ្ឋានអង្គរក្នុងបញ្ជីបេតិកភណ្ឌវប្បធម៌រូបី នៃពិភពលោករបស់អង្គការយូណេស្កូ និងដើម្បីអបអរសាទរពិធីបុណ្យរម្លឹកគុណអង្គរផងដែរ។
នៅក្នុងមហាព្រឹត្តិការណ៍ទស្សនីយភាពសិល្បៈវប្បធម៌ដ៏អស្ចារ្យ”រាត្រីចងចាំលើកទី ៤” ឆ្នាំ ២០២៣ ក៏មានការបង្ហាញជូននូវសម្បត្តិបេតិកភណ្ឌវប្បធម៌រូបី និងអរូបី ព្រមទាំងទស្សនីយភាពសិល្បៈចម្រុះជាច្រើនទម្រង់។ មហាព្រឹត្តិការណ៍ដ៏អស្ចារ្យនេះ នឹងមានការចូលរួមសម្តែងពីសិល្បករ-សិល្បការិនីទាំងក្នុង និងក្រៅប្រព័ន្ធជាង ៣០០ នាក់។ ក្នុងនោះមហាជន ក៏អាចចូលរួមទស្សនាបានដោយសេរីក្នុងបរិវេណព្រះលានជល់ដំរីវេលាម៉ោង ១៧ និង ០០ នាទីល្ងាចតទៅ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព