ព័ត៌មានអន្ដរជាតិ
មកដឹង ប្រាក់ខែកម្មករនៅ វៀតណាម សម្រាប់ឆ្នាំ ២០២៤ នេះ
យោងតាមការចុះផ្សាយរបស់ទីភ្នាក់ងារព័ត៌មាន Xinhua បានឲ្យដឹងថា ក្រុមប្រឹក្សាប្រាក់ឈ្នួលជាតិវៀតណាមបានប្រកាសដំឡើងប្រាក់ខែទៅដល់កម្មករសម្រាប់ឆ្នាំ ២០២៤ នេះប្រមាណ ៦ ភាគរយ ។ ទោះយ៉ាងណា ការផ្ដល់ប្រាក់ខែនៅវៀតណាមគឺបែងចែកជា ៤ ប្រភេទទៅតាមតំបន់ផ្សេងៗគ្នា ។
យោងតាមក្រុមប្រឹក្សាប្រាក់ឈ្នួលជាតិវៀតណាមបានបញ្ជាក់ថា ប្រាក់ខែសម្រាប់កម្មករនៅតំបន់ ១ មានទីក្រុងហាណូយ និងទីក្រុងហូជីមិញគឺ ៤.៩៦ លានដុង ស្មើនឹង ២០៣.៥០ ដុល្លារអាមេរិកក្នុងមួយខែ ខណៈដែលនៅក្នុងតំបន់ ២ ដូចជា ខេត្ត Can Tho, ខេត្ត Da Nang និង Hai Phong មានចំនួន ៤.៤០ លានដុង ស្មើនឹង ១៨១ ដុល្លារក្នុងមួយខែ ។
ចំណែកប្រាក់ខែសម្រាប់កម្មករនៅតំបន់ ៣ ដែលរួមមានទីក្រុង និងស្រុកនៃខេត្តភាគខាងជើង Bac Ninh, ខេត្ត Bac Giang និងខេត្ត Hai Duong នឹងទទួលបាន ៣.៨៥ លានដុង ស្មើនឹង ១៥៨.៥០ ដុល្លារក្នុងមួយខែ ខណៈនៅក្នុងតំបន់ ៤ រួមនឹងតំបន់នៅសល់ផ្សេងទៀតគឺ ៣.៤៤ លានដុង ស្មើ ១៤១.៥០ ដុល្លារក្នុងមួយខែ ។
ចំពោះការប្រកាសផែនការដំឡើងប្រាក់ឈ្នួលនេះដែរ គឺត្រូវបានវាយតម្លៃដោយផ្អែកលើភាពងាយរងគ្រោះផ្នែកសេដ្ឋកិច្ច ការប្រែប្រួលពិភពលោក និងរបាំងពាណិជ្ជកម្មដ៏ស្មុគស្មាញ ខណៈលោក Le Van Thanh អនុរដ្ឋមន្ត្រីក្រសួងការងារបាននិយាយថា ការចេញសម្រេចនេះ គឺដោយសារក្រុមប្រឹក្សាបានគិតគូរពីស្ថានភាពលំបាករបស់កម្មករ ក៏ព្រោះតែការឡើងចុះតម្លៃ និងខ្វះការបញ្ជាទិញលើវិស័យអាជីវកម្មជាដើម ។
គួរបញ្ជាក់ថា នៅក្នុងឆ្នាំ ២០១៧ ប្រទេសវៀតណាមបានដំឡើងប្រាក់ឈ្នួលអប្បបរមាក្នុងតំបន់ចំនួន ៧.៣ ភាគរយ, ឆ្នាំ ២០១៨ ចំនួន ៦.៥ ភាគរយ, ឆ្នាំ ២០១៩ ចំនួន ៥.៣ ភាគរយ និង ៦ ភាគរយក្នុងឆ្នាំ ២០២២ ៕
ប្រែសម្រួលដោយ ៖ ជីវ័ន្ត
ចុចអាន ៖ ឆ្នាំថ្មី ថៃ កាត់បន្ថយពន្ធលើស្រា និងក្លឹបរាត្រីដើម្បីទាញទេសចរឲ្យគ្រប់គោលដៅ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ