ត្រាំ ទទួលការលើកលែងទោសជាលើកទី ២ ពីព្រឹទ្ធសភាអាមេរិក

ព្រឹទ្ធសភាអាមេរិកបានលើកលែងទោសដល់អតីតប្រធានាធិបតី ដូណាល់ ត្រាំ ក្នុងការជំនុំជម្រះចោទប្រកាន់ពីបទញុះញង់ឲ្យមានការបះបោរនៅកាពីតូលកាលពីថ្ងៃទី ៦ ខែមករា ។

ទន្ទឹមនោះការជំនុំជម្រះដែលបានចាប់ផ្តើមកាលពីថ្ងៃអង្គារក៏ត្រូវបានចាក់ផ្សាយនៅទូទាំងប្រទេសផងដែរ ។

ក្រុមអ្នកប្រជាធិបតេយ្យមកពីសភាជាន់ទាបដែលមានតួនាទីជាព្រះរាជអាជ្ញាបានបង្ហាញករណីនេះ ។ ពួកគេបានបង្ហាញវីដេអូថ្មីដែលត្រូវបានថតនៅថ្ងៃដែលវិមានកាពីតូលត្រូវបានវាយលុក ។

ពួកគេបានចោទប្រកាន់លោក ត្រាំ ថាបានធ្វើឲ្យអ្នកគាំទ្រម្តងខកចិត្តម្ដងហើយម្តងទៀតដែលនាំឲ្យមានការវាយប្រហារដ៏សាហាវ និងបណ្តាលឲ្យមានមនុស្សស្លាប់ និងរងរបួស ។

បន្ទាប់ពីបញ្ចប់ការជជែកវែកញែក ការជំនុំជម្រះបានបញ្ចប់ដោយការបោះឆ្នោតដោយសមាជិកព្រឹទ្ធសភានៅរសៀលថ្ងៃសៅរ៍ ។

សមាជិកព្រឹទ្ធសភាចំនួន ៥៧ រូបរួមទាំងសមាជិកសភាសាធារណរដ្ឋចំនួន ៧ រូបបានបោះឆ្នោតគាំទ្រការចោទប្រកាន់ ប៉ុន្តែវាតិចជាងសម្លេងភាគច្រើន ២ ភាគ ៣ ដែលទាមទារឲ្យមានការផ្តន្ទាទោស ។

គួររម្លឹកថា លោក ត្រាំ គឺជាប្រធានាធិបតីអាមេរិកដំបូងគេដែលត្រូវបានចោទប្រកាន់ពីរដង ហើយគាត់ក៏ត្រូវបានគេលើកលែងទោសកាលពីលើកដំបូងផងដែរ ៕

ប្រែសម្រួលដោយ ៖ Vann Vann

ប្រភព ៖ NHK

ចុចអាន ៖ ការជំនុំជម្រះចោទប្រកាន់លោក ត្រាំ លើកទី ២ ចាប់ផ្ដើមហើយ

ចុចអាន ៖ ប៊ូតុងក្រហមដ៏អាថ៌កំបាំងលើតុរបស់ ត្រាំ ហាក់ដូចជាត្រូវបានដកចេញពីការិយាល័យពងក្រពើ