កីឡា
មកហាត់នៅកម្ពុជា Moe Zaw ប្រាប់ថា ការប្រកួតគុនខ្មែរដំបូងពិតជាអស្ចារ្យ
កីឡាករប្រដាល់មីយ៉ាន់ម៉ា Soe Moe Zaw បានប្រកួតស្មើជាមួយកីឡាករកម្ពុជា រិន សារ័ត្ន កាលពីរសៀល ថ្ងៃអាទិត្យ ទី១១ ខែកុម្ភៈ ឆ្នាំ២០២៤ បន្ទាប់ពីបានមកហ្វឹកហាត់គុនខ្មែរនៅក្នុងប្រទេសកម្ពុជារយៈពេលជាង១ខែ។
កីឡាករ Soe Moe Zaw ដែលជាប្អូនប្រុសបង្កើតរបស់កីឡាករបាល់ទាត់ Soe Moe Kyaw របស់ក្លិបបាល់ទាត់ភ្នំពេញក្រោន បានរៀបរាប់ថា នេះគ្រាន់តែជាការចាប់ផ្តើមប៉ុណ្ណោះសម្រាប់អាជីពប្រដាល់គុនខ្មែរ ប៉ុន្តែពិតជាអស្ចារ្យណាស់សម្រាប់រូបគេ។
កីឡាករបានរៀបរាប់ថា ៖«ជាដំណើរការដ៏អស្ចារ្យ! ម្សិលមិញជាការប្រកួតគុនខ្មែរលើកដំបូងរបស់ខ្ញុំនៅប្រទេសកម្ពុជា ហើយគ្មានអ្វីផ្សេង ក្រៅតែពីអស្ចារ្យ។ លទ្ធផលស្មើជាមួយកីឡាករចាស់វស្សារបស់កម្ពុជាពិតជាបំពេញនូវការតាំងចិត្តរបស់ខ្ញុំកាន់តែខ្លាំង និងកាន់តែរំភើប»។
រូបគេបានអរគុណដល់គ្រូបង្វឹក ម៉ា ទីន អ្នកចាត់ការ Sov Men និងក្លិប The Ring Fitness Social Club ព្រមទាំងអ្នកគាំទ្រទាំងអស់ដែលបានលើកទឹកចិត្តដល់ខ្លួន។
កីឡាមីយ៉ាន់ម៉ា Lethwei និងគុនខ្មែរ រួមបញ្ចូលគ្នាគឺជាស្មារតីប្រយុទ្ធដ៏អស្ចារ្យ។ កីឡាករបានបញ្ជាក់ថា«សូមចាំថា យើងមិនមែនលេងជាមួយគុនខ្មែរទេ យើងរស់នៅជាមួយគុនខ្មែរ ដកដង្ហើមជាមួយគុនខ្មែរ ប្រយុទ្ធដើម្បីអ្វីៗគ្រប់យ៉ាង»។
កីឡាករ Soe Moe Zaw ទើបតែបានមកហ្វឹកហាត់គុនខ្មែរកាលពីខែមករា ឆ្នាំ២០២៤ ដោយស្នាក់នៅកម្ពុជាជាមួយបងប្រុសរបស់ខ្លួន។ ការហ្វឹកហាត់ទើបតែបានជាង១ខែប៉ុណ្ណោះ រូបគេក៏បានឡើងប្រកួតលើកដំបូង ដោយបានស្មើជាមួយកីឡាករកម្ពុជា រិន សារ័ត្ន ដែលមានបទពិសោធច្រើន។
ការបង្ហាញសមត្ថភាពនៅលើសង្វៀនរបស់ Soe Moe Zaw ទទួលបានការសរសើរច្រើនពីអ្នកគាំទ្រ ជាពិសេសកណ្តាប់ដៃ និងទាត់ដ៏មានទម្ងន់ ប៉ុន្តែបទពិសោធនៅក្មេងខ្ចី។ ពីរបីប្រកួតទៀត រូបគេនឹងកាន់តែល្អទាំងអាវុធ បច្ចេកទេស និងស្មារតី៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ